| e-texts navigator |
| Wylie |
57a1 པར་བཞེད་དེ། འཛུམ་པ་མཛད་ནས་ཞེས་བྱ་བའི་བར་ནས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་དགེ་སློང་རྣམས་ལ་དགེ་སློང་དག་དེ་བཞིན་གཤེགས་པ་ཆུ་ཀླུང་དུ་རྒྱུར་གཤེགས་པར་བཞེད
57a2 ཀྱིས་ཁྱེད་ཅག་ལས་གང་དེ་བཞིན་གཤེགས་པ་དང་ཐབས་གཅིག་ཏུ་ཆུ་ཀླུང་དུ་འགྲོ་བར་སྤྲོ་བ་དེས་ཆོས་གོས་དག་ལོང་ཤིག་ཅེས་བསྒོ་ཤིག་ཅེས་བྱ་བ་ནས་སེར་སྐྱའི་གླེང་གཞི་འདིར་རྒྱས་པར་བརྗོད་པར་བྱའོ། །ཉ་པ་ལྔ་བརྒྱ་ཞེས་བྱ་བ་ནས་འཕགས
57a3 པ་ཤཱ་རིའི་བུས་ཚིགས་སུ་བཅད་པ་སྨྲས་པ། དེ་བཞིན་གཤེགས་རྣམས་རིགས་དང་ནི། །རུས་དང་ཁྱིམ་ལའང་རྟོག་མི་མཛད། །ཡུན་རིང་བྱས་པར་གྱུར་པ་ཡི། །ལས་རྣམས་ལ་ནི་ཡོངས་རྟོག་མཛད་ཅེས་བྱ་བའི་བར་དང་། བཅོམ་ལྡན་འདས་ལ་ཕུལ་བ
57a4 དང་། བཅོམ་ལྡན་འདས་ཀྱིས་དགེ་སློང་ཚུར་ཤོག་ཅེས་བྱ་བས་རབ་ཏུ་ཕྱུང་བའི་བར་དང་། ཡང་སྨྲས་པ། དེ་བཞིན་གཤེགས་པས་ཚུར་ཤོག་བཀའ་སྩལ་པས། །སྐྲ་བྱི་སྣམ་སྦྱར་གྱོན་པའི་ལུས་ལྡན་ཞིང་། །མོད་ལ་དབང་པོ་རབ་ཞིར་གནས་གྱུར་ཏེ། །སངས་རྒྱས
57a5 དགོངས་པས་ལུས་གཟུགས་བཀབ་པར་གྱུར་ཞེས་བྱ་བའི་བར་དུའོ། ། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་བཞི་པ། སངས་རྒྱས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་གཅིག་ཏུ་ཡངས་པ་ཅན་ན་འོད་མ་ཅན
57a6 གྱི་གྲོང་ཁྱེར་ན་བཞུགས་སོ། །དེའི་ཚེ་མུ་གེ་ཉམ་ང་བ། དགོན་པ། སློངས་མོ་བ་རྣམས་ཀྱིས་ཟས་རྙེད་པར་དཀའ་བ་ཞེས་བྱ་བ་ནས་སློངས་མོ་བ་དག་ལ་ལྟ་སྨོས་ཀྱང་ཅི་དགོས། ཞེས་བྱ་བའི་བར་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ
57a7 བཀའ་སྩལ་པ། དགེ་སློང་དག་དེ་ལྟར་མུ་གེ་ཞེས་བྱ་བ་ནས་སློངས་མོ་པ་རྣམས་ཀྱིས་ཟས་རྙེད་པར་དཀའ་བ་ཞེས་བྱ་བའི་བར་དང་། དགེ་སློང་དག་ཁྱེད་ཅག་ཚུར་ཤེག་།སྨོས་འདྲིན་ཇི་ལྟ་བ་དང་། ཕེབས་པར་སྨྲ་བ་ཇི་ལྟ་བ་དང་། འགྲོགས་བཤེས་ཇི
57a8 ལྟ་བས་ཡངས་པ་ཅན་གྱི་ཉེན་ཀོར་འདི་ཉིད་དུ་དབྱར་གནས་པར་ཁས་ལོང་ཤིག་། ང་ཡང་འོད་མ་ཅན་གྱི་ཉེན་ཀོར་དྲུང་འདི་ཉིད་དུ་ཞམ་འབྲིང་བ་དགེ་སློང་ཀུན་དགའ་བོ་དང་དབྱར་གནས་ཀྱིས་ཐམས་ཅད་དུ་བསོད་སྙོམས་ཀྱིས་ཉོན་མོངས་པར་གྱུར་ན་མི་རུང་ངོ་ཞེས
iiif viewer powered by OpenSeadragon
