| e-texts navigator |
| Wylie |
48b1 པའི་ཆོས་བསྟེན་ན་ཕས་ཕམ་པར་འགྱུར་རོ། །ཡང་དགེ་སློང་མ་གང་ཞིག་མི་དང་གནས་གསུམ་གྱིས་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཕས་ཕམ་པར་འགྱུར་ཏེ། ཁ་འམ། བཤང་བའི་ལམ་འམ། མོ་མཚན་དུ་བཅུག་ན་དགེ་སློང
48b2 མ་དེ་ཕས་ཕམ་པར་གྱུར་པ་ཡིན་པས་གནས་པར་མི་བྱའོ། །ཇི་ལྟར་མི་དང་ལྷན་ཅིག་གནས་གསུམ་གྱིས་བསྟེན་པར་བྱེད་པ་དེ་བཞིན་དུ་མི་མ་ཡིན་པ་དང་། དུད་འགྲོའི་སྐྱེས་གནས་སུ་སྐྱེས་པ་དང་ལྷན་ཅིག་ཏུ་བསྟེན་ན་ཡང་ཐམས་ཅད་དུ་ཕས་ཕམ་པར་འགྱུར
48b3 བའོ། །ཡང་དགེ་སློང་མ་གང་ཞིག་སེམས་སྟེན་པ་ལ་གཞོལ་བ་དང་། སྟེན་པ་ལ་འབབ་པ་དང་། སྟེན་པ་ལ་བབ་པར་གྱུར་པས་མོ་མཚན་བར་ཆད་དང་བཅས་པས་བར་ཆད་དང་བཅས་པ་དང་། བར་ཆད་དང་བཅས་པས་བར་ཆད་མེད་པ
48b4 དང་། བར་ཆད་མེད་པས་བར་ཆད་དང་བཅས་པ་དང་། བར་ཆད་མེད་པས་བར་ཆད་མེད་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན། ཐམས་ཅད་དུ་ཕས་ཕམ་པར་འགྱུར་རོ། །དེ་ལྟར་འདིར་དགེ་སློང་གི་ཕས་ཕམ་པ་དང་པོའི་དངོས
48b5 པོ་ཇི་ལྟ་བ་བཞིན་དུ་དགེ་སློང་མ་ཞེས་བརྗེ་བ་བྱས་ཏེ་འདིར་རྒྱས་པར་བརྗོད་པར་བྱའོ། །བདག་གིས་ནི་ཧ་ཅང་སྤྲོས་པས་འཇིགས་པའི་ཕྱིར་མ་བྲིས་སོ། །ཕས་ཕམ་པར་གྱུར་པ་དང་པོ་མདོར་བསྡུས་པ་རྫོགས་ཏེ། རྒྱས་པར
48b6 ནི་དགེ་སློང་གི་སོ་སོར་ཐར་པ་དང་། རྣམ་པར་འབྱེད་པ་བཞིན་ནོ།། །། སངས་རྒྱས་བཅོམ་ལྡན་འདས་འོད་མའི་ཚལ་བྱ་ཀ་ལན་ད་ཀའི་གནས་ན་བཞུགས་སོ། །དེའི་ཚེ་སྔོན་རྫ་མཁན་དགེ་སློང་ནོར་ཅན་རྒྱལ
48b7 པོའི་ཁབ་ན་དགོན་པའི་སྤྱིལ་བུ་ན་གནས་སོ། །དེ་ནས་སྔོན་རྫ་མཁན་དགེ་སློང་ནོར་ཅན་རྒྱལ་པོའི་ཁབ་ཏུ་སྤྱོད་ཡུལ་དུ་ཞུགས་པ་དང་། རྒྱལ་པོའི་ཁབ་ཀྱི་མི་བ་ལང་རྫི་དང་། ཕྱུགས་རྫི་དག་དང་། རྩཝ་ཐུན་དག་དང་། ཤིང་ཐུན་དག་དང་། ལམ་གྱིས་འཚོ་བ་དག
48b8 དང་། ལམ་གོལ་བས་འཚོ་བའི་མི་དག་གིས་སྤྱིལ་བུ་བཅོམ་ཞིང་རྣམ་པར་དཀྲུགས་ཏེ་རྩཝ་དང་། ཤིང་ཐམས་ཅད་ཀྱང་ཁྱེར་རོ། །དེའི་འོག་ཏུ་སྔོན་རྫ་མཁན་དགེ་སློང་ནོར་ཅན་འོངས་པ་དང་ཞེས་བྱ་བ་ནས། དེ་བཞིན་དུ་སྔོན་རྫ་མཁན
iiif viewer powered by OpenSeadragon
