| e-texts navigator |
| Wylie |
48a1 ཀྱིས་བྱ་བ་བྱེད་པ་ཉིད་དང་། རྟོག་པ་ཉིད་དང་། ཡང་དག་པར་རྟོག་པ་ཉིད་དང་། མཐར་ཕྱིན་པར་བྱེད་པ་ཉིད་དང་། ཡང་དག་པར་མཐར་ཕྱིན་པར་བྱེད་པ་དང་། གང་ཟག་དེའི་ཁས་ལེན་པ་དང་། མངོན་པར་ཁས་ལེན་པ་དང་། ཕྱིར
48a2 མི་ཟློག་པ་དང་། ཕྱིར་མི་ལྡོག་པ་དང་། ཕྱིར་མི་འགོག་པ་ཉིད་དང་། ངག་དང་། ཚིག་དང་། ཐ་སྙད་དང་། སྐད་དང་། བརྗོད་པ་དང་། ངེས་པའི་ཚིག་དང་། ཚིག་གི་ལམ་དང་། ཚིག་ཏུ་རྗོད་པ་དང་། ངག་གི་ལས་དང་། ངག་གི་རྣམ་པར
48a3 རིག་བྱེད་གང་ཡིན་པའོ། །འདི་ཞེས་བྱ་བ་དེ་ནི་ཉེ་བར་བསྟན་པ་དང་། ཀུན་དུ་བསྟན་པའི་ཚིག་བླ་དགས་སོ། །ཕས་ཕམ་པར་གྱུར་པ་ཡིན་གྱིས་ཤེས་བྱ་བ་ནི་དེ་ཐ་མ་དང་། ལྟུང་བ་དང་། དམན་པ་དང་། མཇུག་ན་འདུག་པ་དང་། ཐ་ཆད་དང་། ཡིད
48a4 དང་མི་མཐུན་པའོ། །ཡང་གང་གིས་ལྟུང་བ་དེ་བྱས་མ་ཐག་ཏུ་དགེ་སློང་མར་མི་རུང་བར་འགྱུར། དགེ་སྦྱོང་དུ་མི་རུང་བར་འགྱུར། ཤཱཀྱའི་སྲས་སུ་མི་རུང་། དགེ་སློང་མའི་དངོས་པོ་ལས་ཉམས་པར་འགྱུར་ཏེ། དེའི་དགེ་སྦྱོང་གི་ཚུལ་ཞིག་པ་ཡིན།
48a5 ཉམས་པ། བཅོམ་པ། ལྟུང་བ། ཕས་ཕམ་པར་གྱུར་པ་སྟེ། དེའི་དགེ་སྦྱོང་གི་ཚུལ་ཕྱིར་བསླང་དུ་མེད་པར་འགྱུར་རོ། །འདི་ལྟ་སྟེ་དཔེར་ན་ཤིང་ཏ་ལའི་མགོ་བཅད་ན་སྔོན་པོར་འགྱུར་དུ་མི་རུང་ལ་འཕེལ་ཞིང་རྒྱས་པ་དང་། ཡངས་པར་འགྱུར་དུ
48a6 མི་རུང་བ་དེ་བཞིན་དུ། དགེ་སློང་མས་གནས་དེ་ལྟ་བུ་བྱས་ན། བྱས་མ་ཐག་ཏུ་དགེ་སློང་མར་མི་རུང་ཞེས་བྱ་བའི་བར་དུ་སྔ་མ་བཞིན་ནོ། །གནས་པར་མི་བྱའོ་ཞེས་བྱ་བ་ནི་དགེ་སློང་མ་རྣམས་ཀྱིས་དེ་དང་གསོ་སྦྱོང་དང་། དགག་དབྱེ་དང་།
48a7 གསོལ་བ་དང་། གསོལ་བ་དང་གཉིས་དང་། གསོལ་བ་དང་། བཞིའི་ལས་ཉམས་སུ་མྱོང་བར་མི་བྱ་ཞིང་། གང་ཟག་བཅུ་གཉིས་པོ་དག་ཏུ་བསྐོ་བས་སྐོ་བར་མི་བྱ་བ་སྟེ། དེས་ན་གནས་པར་མི་བྱའོ་ཞེས་གསུངས་སོ། །དེ་ལ་ལྟུང་བ
48a8 ཇི་ལྟར་འགྱུར་ཞེ་ན། སྡོམ་ལ། འབའ་ཤིག་དང་ནི་གནས་གསུམ་གྱིས། །མི་ལ་སོགས་དང་ལྷན་ཅིག་དང་། །སྟེན་ལ་གཞོལ་དང་རྩོལ་བ་དང་། །མྱོས་པར་བྱས་དང་མཐུས་འཛིན་པའོ། །དགེ་སློང་མས་མི་ཚངས་པར་སྤྱོད་པ་འཁྲིག
iiif viewer powered by OpenSeadragon
