| e-texts navigator |
| Wylie |
47b1 འདི་ལྟར་བསླབ་པ་འབུལ་ལོ། །སངས་རྒྱས་དང་། ཆོས་དང་། དགེ་འདུན་དང་། མཁན་པོ་དང་། སློབ་དཔོན་གཏོང་ངོ་ཞེས་སྨྲས་པ་དང་། ཐ་ན་འདི་སྐད་ཅེས་བདག་དགེ་སྦྱོང་མར་གཟུང་དུ་གསོལ། བདག་ཁྱིམ་པ་མོར་གཟུང་དུ
47b2 གསོལ། བདག་ཟ་མ་དང་། མ་ནིང་དང་། དགེ་སློང་སུན་ཕྱུང་བར་གཟུང་དུ་གསོལ། མ་བསད་པ་དང་། ཕ་བསད་པ་དང་། དགྲ་བཅོམ་པ་བསད་པ་དང་། དེ་བཞིན་གཤེགས་པ་ལ་ངན་སེམས་ཀྱིས་ཁྲག་ཕྱུང་བ་དང་། རྐུ་ཐབས
47b3 སུ་གནས་པ་དང་། ཐ་དད་པར་གནས་པ་དང་། གནས་པར་བྱ་བ་མ་ཡིན་པ་དང་། མུ་སྟེགས་ཅན་དང་། མུ་སྟེགས་ཅན་ཞུགས་པ་ཡིན་ནོ་ཞེས་ཟེར་བ་འམ། འདི་སྐད་ཅེས་བདག་ཁྱེད་ལྟ་བུ་ཆོས་དང་འཐུན་པ་ཚངས་པ་མཚུངས་པར་སྤྱོད
47b4 པ་དག་གིས་ཆོག་གོ་ཞེས་ཟེར་ཞིང་། འདི་ལྟར་རྣམ་པར་འཁྱམ་འདོད་པའི་ངག་དང་ཞེས་བྱ་བ་མུ་དང་པོ་ཇི་ལྟ་བ་བཞིན་དུ་རྒྱ་ཆེར་བརྗོད་པར་བྱའོ། །དེ་ལྟར་ཕྱོགས་གཉི་གའི་ཚིག་སྨྲས་པ་དེ་ནི་བསླབ་པ་ཉམས་པར་བྱས་པ་ཡང་ཡིན་ལ་བསླབ་པ
47b5 ཕུལ་བ་ཡང་ཡིན་ནོ། །ཇི་ཙམ་གྱིས་ན་བསླབ་པ་ཉམས་པར་མ་བྱས་ཤིང་བསླབ་པ་མ་ཕུལ་བ་ཡིན་ཞེ་ན། རྣམ་པ་དེ་དག་མ་གཏོགས་པ་ནི་བསླབ་པ་ཉམས་པར་མ་བྱས་ལ་བསླབ་པ་མ་ཕུལ་བ་ཡིན་ནོ། །མི་ཚངས་པར
47b6 སྤྱོད་པ་ཞེས་བྱ་བ་ནི་གཉིས་ཀྱིས་གཉིས་སྤྲོད་པའོ། །འཁྲིག་པ་ཞེས་བྱ་བ་ནི་མི་ཚངས་པར་སྤྱོད་པ་གང་ཡིན་པ་དེ་ཉིད་འཁྲིག་པ་ཡང་ཡིན་ནོ། །ཆོས་ཤེས་བྱ་བ་འདི་ནི་ཆོས་མ་ཡིན་པ་ལ་ཆོས་ཀྱི་སྒྲར་གསུངས་པའོ། །
47b7 བསྟེན་ན་ཞེས་བྱ་བ་ནི་ལྷག་པར་སྤྱད་ནའོ། །ཐ་ན་དུད་འགྲོའི་སྐྱེས་གནས་སུ་གྱུར་པ་དང་ལྷན་ཅིག་ཀྱང་རུང་སྟེ་ཞེས་བྱ་བ་ནི་དོམ་དང་། སྤྲེའུ་ལ་སོགས་པ་དང་ལྷན་ཅིག་ཏུའོ། །དགེ་སློང་མ་ཞེས་བྱ
47b8 བ་ནི་གང་ལ་དགེ་སློང་མའི་དངོས་པོ་ཡོད་པར་གྱུར་པའོ། །དགེ་སློང་མའི་དངོས་པོ་གང་ཞེ་ན། བསྙེན་པར་རྫོགས་པ་གང་ཡིན་པའོ། །བསྙེན་པར་རྫོགས་པ་གང་ཞེ་ན། གསོལ་བ་དང་བཞིའི་ལས
iiif viewer powered by OpenSeadragon
