| e-texts navigator |
| Wylie |
46b1 སྐད་ཅེས། འཕགས་མ་དག་ཚངས་པར་སྤྱོད་པ་སྤྱད་དཀའ་བོ། །རབ་ཏུ་དབེན་པར་བྱ་དཀའོ། །གཅིག་པུ་ཉིད་ལ་མངོན་པར་དགའ་བ་དཀའོ། །གནས་མལ་དགོན་པ་དང་། ནགས་མདབ་དང་། བས་མཐའ་དག་ཏུ་གནས་པར་ཁོང་དུ་ཆུད་པར་དཀའོ། །བདག
46b2 ཇི་སྲིད་འཚོའི་བར་དུ་མི་རྣམས་ཀྱི་དགའ་བ་དང་། རྩེད་མོ་རྣམས་དང་བྲལ་བ་བྱས་པར་འགྱུར་རོ། །བདག་ཇི་སྲིད་འཚོའི་བར་དུ་རྩཝ་དང་། ལོ་མ་དང་། ཤིང་ལོ་བཏིང་བའི་མལ་བྱེད་པར་འགྱུར་རོ། །བདག་ཇི་སྲིད་འཚོའི་བར་དུ་གཞན་གྱི་ཁྱིམ་དུ་གཞན་གྱི་ངོར་བལྟ
46b3 དགོས་པར་འགྱུར་རོ། །བདག་ཇི་སྲིད་འཚོའི་བར་དུ་འདི་ལྟར་ཆོས་གོས་དང་། བསོད་སྙོམས་དང་། མལ་སྟན་དང་། ནད་གསོས་ཀྱི་སྨན་དང་ཡོ་བྱད་དག་གཞན་ལས་ཚོལ་གྲོ་བྱ་དགོས་སོ། །མ་དྲན་ནོ། །ཕ་དང་། མིང་པོ་དང་། ཕུ་ནུ་མོ་དྲན་ནོ། །བདག་ཁྱིམ་བཟང
46b4 པོ་དག་ཏུ་གཏད་པར་མཛོད་ཅིག་ཅེས་ཟེར་ཞིང་དེ་ལྟར་རྣམ་པར་འཁྱམ་འདོད་པའི་ངག་དང་། ཚིག་དང་། ཐ་སྙད་དང་། སྐད་དང་། བརྗོད་པ་དང་། ངེས་པའི་ཚིག་དང་། ཚིག་གི་ལམ་དང་། སྨྲ་བའི་ཚིག་དང་། ངག་གི་ལས་དང་། ངག་གི་རྣམ་པར་རིག་བྱེད་དག་སྨྲ
46b5 ཞིང་འདི་སྐད་ཅེས་བདག་བསླབ་པ་ནི་གཏོང་ངོ་ཞེས་མི་སྨྲ་བ་འདི་ནི་བསླབ་པ་ཉམས་པར་བྱས་ལ་བསླབ་པ་མ་ཕུལ་བ་ཡིན་ནོ། །ཇི་ཙམ་གྱིས་ན་བསླབ་པ་ཉམས་པར་མ་བྱས་ལ་བསླབ་པ་ཕུལ་བ་ཡིན་ཞེ་ན། འདི་ལྟ་སྟེ། དགེ་སློང་མ་ཕྲད་འདོད་པ་དང་།
46b6 མངོན་པར་མི་དགའ་བ་དང་། རྣམ་པར་འཁྱམ་འདོད་ཅིང་དགེ་སྦྱོང་གི་ཚུལ་དོན་དུ་མི་གཉེར་བ་འམ། དགེ་སྦྱོང་གི་ཚུལ་གྱིས་སྒྱིད་ལུག་པ་འམ། མུས་བྱུང་བ་འམ། ཐེ་ཚོམ་ཟ་བ་འམ། སྨོད་པ་དེ་དགེ་སློང་མའི་དྲུང་དུ་ཉེ་བར་འོངས་ནས་འདི་སྐད་ཅེས། འཕགས
46b7 མ་དག་དགོངས་སུ་གསོལ། བདག་མིང་འདི་ཞེས་བགྱི་བ་འདི་ལྟར་དགེ་སློང་མའི་བསླབ་པ་འབུལ་ལོ་ཞེས་ཟེར་ན་བསླབ་པ་ཕུལ་བར་བརྗོད་པར་བྱའོ། །སངས་རྒྱས་གཏོང་ངོ་། །ཆོས་གཏོང་ངོ་། །དགེ་འདུན་གཏོང་ངོ་། །མཁན་པོ་དང་། སློབ་དཔོན་གཏོང
46b8 ངོ་ཞེས་ཟེར་ཞིང་། ཐ་ན་འདི་སྐད་ཅེས་བདག་དགེ་སྦྱོང་མར་གཟུང་དུ་གསོལ། བདག་ཁྱིམ་པ་མོར་གཟུང་དུ་གསོལ། བདག་ཟ་མ་དང་། མ་ནིང་དང་། དགེ་སློང་སུན་ཕྱུང་བར་གཟུང་དུ་གསོལ། མ་བསད་པ་དང་། ཕ་བསད་པ་དང་། དགྲ་བཅོམ་པ་བསད
iiif viewer powered by OpenSeadragon
