| e-texts navigator |
| Wylie |
45a1 ངའི་བསྟན་པ་ཡངས་པར་གྱུར་པ་སྐྱེ་བོ་མང་པོ་ལ་ཕན་པ་ལྷ་དང་མིའི་བར་དག་ལ་ཡང་དག་པར་རབ་ཏུ་བསྟན་པ་ཡུན་རིང་དུ་གནས་པར་འགྱུར་བ་ལ་གཟིགས་ནས་འདུལ་བ་ལ་ཉན་ཐོས་མ་རྣམས་ཀྱི་བསླབ་པའི་གཞི་བཅའ་བར
45a2 བྱའོ། །ངའི་ཉན་ཐོས་མ་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་དགེ་སློང་མ་གང་དག་དགེ་སློང་མ་རྣམས་དང་ལྷན་ཅིག་བསླབ་པ་མཚུངས་པར་གྱུར་པས་བསླབ་པ་མ་ཕུལ་ཞིང་བསླབ་པ་ཉམས
45a3 པར་མ་བྱས་པར་མི་ཚངས་པར་སྤྱོད་པ་འཁྲིག་པའི་ཆོས་བསྟེན་ན་ཐ་ན་དུད་འགྲོའི་སྐྱེ་གནས་སུ་སྐྱེས་པ་དང་ལྷན་ཅིག་ཀྱང་རུང་སྟེ། དགེ་སློང་མ་དེ་ཕས་ཕམ་པར་གྱུར་པ་ཡིན་པས་གནས་པར་མི་བྱའོ། །ཡང་དགེ་སློང་མ
45a4 གང་ཞེ་བྱ་བ་ནི་དགེ་སློང་མ་རྣམ་པ་བཞི་པོ་མིང་གི་དགེ་སློང་མ་དང་། ཁས་འཆེ་བའི་དགེ་སློང་མ་དང་། སློང་བའི་ཕྱིར་དགེ་སློང་མ་དང་། ཉོན་མོངས་པ་བཅོམ་པའི་ཕྱིར་དགེ་སློང་མའོ། །དེ་ལ་མིང་གི་དགེ་སློང་མ་གང་ཞེ་ན་གང
45a5 གི་མིང་དང་། མིང་དུ་བརྗོད་པ་དང་། ཚིག་གཉིས་པ་དང་། ཚིག་བླ་དགས་དང་། འདུ་ཤེས་དང་། བོད་པ་དང་། གདགས་པ་དང་། ཐ་སྙད་ཀྱིས་དགེ་སློང་མ་ཞེ་འམ། དགེ་སློང་མའི་རིགས་ཤེ་འམ། དགེ་སློང་མ་དང་།
45a6 འདྲ་བར་གྱུར་པ་ཞེས་བྱ་བ་དེ་ནི་མིང་གི་དགེ་སློང་མ་ཞེས་བྱའོ། །ཁས་འཆེ་བའི་དགེ་སློང་མ་གང་ཞེ་ན། གང་དགེ་སློང་མ་མ་ཡིན་བཞིན་དུ་བདག་ཉིད་དགེ་སློང་མའོ་ཞེས་ཁས་འཆེ་བར་བྱེད་པ་དང་རྐུ་ཐབས་སུ་གནས
45a7 ཤིང་། ཡང་དགེ་སློང་མ་ཡིན་ནོ་ཞེས་བདག་ཉིད་དགེ་སློང་མར་ཁས་ཆེས་པའི་དགེ་སློང་མ་ཞེས་བྱའོ། །སློང་བའི་ཕྱིར་དགེ་སློང་མ་གང་ཞེ་ན། གང་ཆོས་དང་ལྡན་པས་སློངས་མོ་ལ་སྤྱོད་པས་འཚོ་བར་བྱེད་པ་དེ་ནི་སློང་བའི་ཕྱིར་དགེ་སློང་མ
45a8 ཞེས་བྱའོ། །ཉོན་མོངས་པ་བཅོམ་པའི་ཕྱིར་དགེ་སློང་མ་གང་ཞེ་ན། གང་གི་ཟག་པ་ཀུན་ནས་ཉོན་མོངས་པར་བྱེད་པ་ཡང་སྲིད་པར་བྱེད་པ། རིམས་ནད་དང་བཅས་པ། རྣམ་པར་སྨིན་པར་སྡུག་བསྔལ་བ་ཕྱི་མ་ལ་སྐྱེ་བ་དང་། རྒ་བ་དང་འཆི
iiif viewer powered by OpenSeadragon
