| e-texts navigator |
| Wylie |
311b1 དྲ་མའི་མནའ་མ་དག་འདོང་ན་དེ་ལྟར་བྱེད་དོ། །དེ་རྣམས་ཀྱིས་འདི་སྐད་ཅེས་སྨྲས་སོ། །ཅི་ཁྱེད་ཅག་དྲ་མའི་མནའ་མ་ཡིན་ནམ། བཅུ་གཉིས་སྡེ་དག་གིས་འདི་སྐད་ཅེས་མི་ཤེས་པ་གང་ཡིན་པ་དེ་སྤངས་པར་འགྱུར་ཞིང་། ཁྱོད་ཅག་ཀྱང་བསླབ
311b2 པ་ལ་བསླབ་པར་འགྱུར་རོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མི་བརྫེ་བར་ཁྱིམ་དེར་འཇུག་པར་བྱའོ། །དེ་ནས་བཅུ་གཉིས་སྡེ་དག་ཇི་ལྟར་ཕྱུགས་རྫི་དག་འདོང་བ་བཞིན་དུ་ཆོས་གོས་དག་ཕྲག་པ་ལ་གཟར་ཏེ
311b3 འདོང་བ་ནས། བཅོམ་ལྡན་འདས་ཀྱིས་བཀའ་སྩལ་པ། མི་གཟར་བར་ཁྱིམ་གྱི་ནང་དུ་འཇུག་པར་བྱའོ། །དེ་ནས་བཅུ་གཉིས་སྡེ་དག་ཁྱེའུ་དག་བྱིས་པའི་གྲཝ་གང་དུ་འདི་ལྟར་འདོང་ངོ་ཞེས་གཉའ་གོང་དུ་བསྣོལ་ཏེ་ཁྱིམ་གྱི་ནང་དུ་འགྲོ་ཞེས་བྱ
311b4 བ་ནས། བཅོམ་ལྡན་འདས་ཀྱིས་བཀའ་སྩལ་པ། གཉའ་གོང་དུ་མི་བསྣོལ་བར་ཁྱིམ་གྱི་ནང་དུ་འཇུག་པར་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་ཕྲག་པ་གཉིས་ལ་གཟར་ནས་ཁྱིམ་གྱི་ནང་དུ་འདོང་བ་ནས། ཞེས་བྱ་བ་ནས།
311b5 འདི་སྐད་ཅེས་གཡོག་དག་འགྲོ་བ་ལྟར་འདོང་ངོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མགོ་མི་གཡོག་པ་དང་། མི་བརྫེ་བ་དང་མི་གཟར་བ་དང་། གཉའ་གོང་དུ་མི་བསྣོལ་བ་དང་། ཕྲག་པ་གཉིས་ལ་མི་གཟར་བར
311b6 ཁྱིམ་གྱི་ནང་དུ་འཇུག་པ་དང་། འདུག་པར་བསླབ་པར་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་གཡོན་ཅན་དག་འདི་ལྟར་འདོང་ངོ་ཞེས་ཁྱིམ་གྱི་ནང་དུ་གད་རྒྱངས་དག་བྱེད་ཅིང་འགྲོ་ཞེས་བྱ་བ་ནས། བཅོམ་ལྡན་འདས་ཀྱིས
311b7 བཀའ་སྩལ་པ། འགྲོ་བར་མི་བྱའོ་ཞེས་བྱ་བའི་བར་རོ། །དེ་ནས་བཅུ་གཉིས་སྡེ་དག་བཅོས་མ་འདི་ལྟར་འདོང་ངོ་ཞེས་ཁྱིམ་གྱི་ནང་དུ་འགྲུམ་ཞིང་འགྲོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲོ་བར་མི་བྱའོ་ཞེས
311b8 བྱ་བའི་བར་རོ། །དེ་ནས་བཅུ་གཉིས་སྡེ་དག་རྐང་པའི་བྲང་བ་དྲས་པ་དག་འདི་ལྟར་འདོང་ངོ་ཞེས་ཁྱིམ་གྱི་ནང་དུ་རྐང་པ་བྲང་བས་འཛུགས་ཤིང་འགྲོ་ཞེས་བྱ་བ་ནས། བཅོམ་ལྡན་འདས་ཀྱིས་བཀའ་སྩལ་པ། འགྲོ་བར་མི་བྱའོ་ཞེས་བྱ་བའི
iiif viewer powered by OpenSeadragon
