| e-texts navigator |
| Wylie |
307a1 ཏ་ཨུ་འོ་མ་བསླངས་ནས་འཆའ་འམ་ཟ་ན་དགེ་སློང་མ་དེས་དབྱར་ཁང་དུ་སོང་ནས་དགེ་སློང་མ་རྣམས་ལ་འཕགས་མ་སྨད་པའི་གནས་མི་རིགས་པ་སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ་ཞེས་སོ་སོར
307a2 བཤགས་པར་བྱ་སྟེ། ཆོས་འདི་ནི་སོ་སོར་བཤགས་པར་བྱ་བའོ། །ཡང་གང་ཞེས་བྱ་བ་ནི་སྦོམ་དགའ་མོའོ། །རང་གི་དོན་དུ་ཞེས་བྱ་བ་ནི་རང་གི་ལུས་ཀྱིའོ། །མི་ན་བར་ཞེས་བྱ་བ་ནི་ནད་ཀྱིས་མ་ཐེབས་པར་རོ། །ཁྱིམ་དག་ཏུ་ཞེས་བྱ་བ་ནི
307a3 བྲམ་ཟེ་དང་ཁྱིམ་བདག་གི་ཁྱིམ་དག་ཏུ་འོ། །འོ་མ་ཞེས་བྱ་བ་ལ་འོ་མ་ནི་ལྔ་སྟེ། བའི་འོ་མ་དང་། མ་ཧེའི་འོ་མ་དང་། རྔ་མོའི་འོ་མ་དང་། རའི་འོ་མ་དང་། ལྔ་པ་ནི་ལུག་གི་འོ་མ་འོ། བསླང་ནས་ཞེས་བྱ་བ་ནི་གསོལ་བ་བཏབས
307a4 ནས་སོ། །འཆའ་འམ་ཟ་ན་ཞེས་བྱ་བ་ནི་ལྐོག་མར་ཁམ་གྱིས་མིད་པའོ། །དགེ་སློང་མ་དེས་ཞེས་བྱ་བ་ནི་གང་ཡིན་པའི་དགེ་སློང་མ་དེས་སོ། །དབྱར་ཁང་དུ་སོང་ནས་ཞེས་བྱ་བ་ནི་གཙུག་ལག་ཁང་དུའོ། །དགེ་སློང་མ་རྣམས་ལ་ཞེས་བྱ་བ་ནི་ཆོས་འདི་པ་དག་ལའོ། །
307a5 སོ་སོར་བཤགས་པར་བྱའོ་ཞེས་བྱ་བ་ནི་འཐོལ་བར་བྱ་བའོ། །འཕགས་མ་སྨད་པའི་གནས་ཞེས་བྱ་བ་ནི་དགེ་སློང་མས་དེ་བྱ་བ་མ་ཡིན་པའོ། །མི་རིགས་པ་ཞེས་བྱ་བ་ནི་འཆགས་པར་འགྱུར་བ་འོ། །སོ་སོར་བཤགས་པར་བྱ་བ་བྱུང་གིས་ཆོས་དེ་སོ་སོར་འཆགས་སོ། །ཞེས་བྱ་བ
307a6 ནི་ངེས་པར་འཐོལ་བའོ། །ཆོས་འདི་ནི་སོ་སོར་བཤགས་པར་བྱ་བ་ཡིན་ནོ་ཞེས་བྱ་བ་ནི་གདོན་མི་ཟ་བར་འཐོལ་བར་བྱ་བའོ། །དེ་ལ་ལྟུང་བར་ཇི་ལྟར་ཞེ་ན། དགེ་སློང་མས་ཇི་ཙམ་ཅུང་ཟད་འོ་མ་སློང་ན་ཐམས་ཅད་དུ་ཉེས་བྱས
307a7 སུ་འགྱུར་རོ། །ཐོབ་ན་ཉེས་བྱས་སོ། །ལོངས་སྤྱོད་ན་སོ་སོར་བཤགས་པར་འགྱུར་རོ། །ལས་དང་པོ་དང་། མྱོས་པ་དང་། སེམས་འཁྲུགས་པ་དང་། ཚོར་བས་ཉེན་པ་ལ་ལྟུང་བ་མེད་དོ། །དགེ་སློང་མའི་འདུལ་བ་རྣམ་པར་འབྱེད་པ་ལས།
307a8 སོ་སོར་བཤགས་པར་བྱ་བ་དང་པོའོ།། །། གླེང་གཞི་ནི་མཉན་ཡོད་ན་འོ། །གང་གི་ཚེ་བཅོམ་ལྡན་འདས་ཀྱིས་དགེ་སློང་མ་རྣམས་ལ་འོ་མ་དགག་པ་མཛད་པ་དང་། དེ་ནས་ཞོ་སློང་བ་དང་ཞེས་བྱ་བ་ནས། བསླབ་པ་བཅའ
iiif viewer powered by OpenSeadragon
