| e-texts navigator |
| Wylie |
306b1 སྨྲ་བར་བྱ་སྟེ། དེ་ལ་སོ་སོར་བཤགས་པར་བྱ་བ་རྣམས་ཀྱི་སྡོམ་གྱི་ཚིགས་སུ་བཅད་པ་ནི་འདི་ཡིན་ཏེ། སྡོམ་ལ། འོ་མ་ཞོ་དང་མར་དང་ནི། །ཞུན་མར་འབྲུ་མར་ཧྭགས་དག་དང་། །སྦྲང་རྩི་ཉ་ཤ་ཤ་དག་དང་། །ཤ་སྐམ་སློབ་པ་བསྐོས་པའོ།། །།
306b2 གླེང་གཞི་ནི་མཉན་ཡོད་ན་འོ། །དེའི་ཚེ་བཅུ་གཉིས་སྡེ་དག་བུད་མེད་ཀྱི་བརྐམ་ཆགས་ཀྱིས་གཞན་གྱི་ཁྱིམ་དག་ནས་འོ་མ་བླངས་ཤིང་ལོངས་སྤྱོད་པར་བྱེད་དོ། །དེ་དག་འོ་མ་ཚོལ་བའི་རྒྱུས་ལུང་ནོད་པ་དང་། ཀློག་པ་དང་། ཁ་ཏོན་བྱེད་པ་དང་།
306b3 རྣལ་འབྱོར་དང་། ཡིད་ལ་བྱེད་པ་དང་། ནང་གི་སེམས་ཀྱི་ཞི་གནས་ཤོར་བ་དང་ཞེས་བྱ་བ་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས
306b4 བཀའ་སྩལ་པ། བསླང་བར་མི་བྱའོ། །ཕྱིས་ཉོ་བར་བྱེད་པ་ན་ཉེས་པ་དེ་ཉིད་དུ་གྱུར་ནས་བཅོམ་ལྡན་འདས་ཀྱིས་བཀའ་སྩལ་པ། ཉོ་བར་མི་བྱའོ། །ཉེ་དུ་དག་ལས་སློང་བ་ན་ཉེས་དམིགས་དེ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ
306b5 སྩལ་པ། བསླང་བར་མི་བྱའོ། །ཇི་ཙམ་ན་དགེ་སློང་མ་ནད་པ་ཞིག་ཡོད་པ་དེ་ལ་སྨན་པས་འོ་མ་སྟེན་ཅིག་ཅེས་བསྟན་པ་དང་། དེས་འདི་སྐད་ཅེས་སྨྲས་སོ། །བཞིན་བཟངས་ཁོ་མོ་ཤི་ཟིན་ནོ། །སྨན་པས་སྨྲས་པ། ཅིའི་ཕྱིར། དེས་འདི
306b6 སྐད་ཅེས་སྨྲས་སོ། །བཅོམ་ལྡན་འདས་ཀྱིས་བཀག་གོ། །སྨན་པས་སྨྲས་པ། ཁྱོད་ཀྱི་སྟོན་པ་ནི་ཐུགས་རྗེ་ཅན་ཡིན་པས་རྗེས་སུ་གནང་བར་འགྱུར་རོ། །ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས
306b7 ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། སྨན་པས་བསྟན་ན་ནད་ཀྱི་སྨན་དུ་ལོངས་སྤྱད་པར་བྱའོ། །དེ་ནས་སྦོམ་དགའ་མོ་ན་ཡང་རུང་མི་ན་ཡང་རུང་གཞན་གྱི་ཁྱིམ་དག་ནས་འོ་མ་བསླངས་ནས་ལོངས
306b8 སྤྱོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱི་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་མི་ན་བར་རང་གི་དོན་དུ་ཁྱིམ་དག
iiif viewer powered by OpenSeadragon
