| e-texts navigator |
| Wylie |
303a1 བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གར་སྟོན་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོ་འོ། །དེ་བཞིན་དུ་གར་སྟོན་ན་ཞེས་བྱ་བ་ནི་ཉེ་བར་སྟོན་ན་འོ། །ལྟུང་བྱེད་དོ་ཞེས་བྱ་བ་ནི་གོང་མ
303a2 བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གར་སྟོན་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་བདུན་པའི་ལྔ་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །
303a3 དེ་བཞིན་དུ་གར་ལ་ལྟར་འགྲོ་བའི་བར་དུ་བྱ་སྟེ་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གར་ལ་ལྟར་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །གར་ལ
303a4 ལྟར་འགྲོ་ན་ཞེས་བྱ་བ་ནི་ལྟད་མོ་འདོད་དེ་འགྲོ་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གར་ལ་ལྟར་འགྲོ་ན་ཐམས་ཅད་དུ་ལྟུང་བྱེད་དུ་འགྱུར་རོ། །
303a5 ལྟུང་བྱེད་ཉི་ཤུ་བདུན་པའི་དྲུག་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །གང་གི་ཚེ་དགའ་སྡེ་གཉིས་ལས་གླེངས་ནས་དེ་ནས་བྲམ་ཟེའི་དགའ་སྡེ་རྣམས་གླུའི་ཆེད་དུ་སྦོམ་དགའ་མོ་གང་ན་བ་དེར་དོང་སྟེ་ཞེས་བྱ་བ་ནས།
303a6 འཕགས་མ་བདག་ཅག་ལ་ཡང་གླུ་སློབས་ཤིག་ཅེས་བྱ་བའི་བར་རོ། །དེས་ཡང་དྲུག་ལྡན་དང་ཞེས་བྱ་བ་ནས། ཤེས་གསལ་ཞེས་བྱ་བ་དང་། ཀེའི་ཤི་ཀེ་ཞེས་བྱ་བ་དང་། ས་འཛིན་པ་དག་གི་བར་དེ་ལྟ་བུ་རོལ་མོའི་དབྱངས་བདུན་རྒྱས
303a7 པར་བསླབས་པ་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གླུ་སློབ་ཏུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོ་འོ། །གླུ་ཞེས་བྱ་བ་ནི་ཁར་འབྱིན་པའོ། །སློབ་དུ
303a8 འཇུག་ན་ཞེས་བྱ་བ་ནི་སྟོན་པར་བྱེད་ན་འོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དེ་དགེ་སློང་མས་ཇི་ཙམ་ཅུང་ཟད་གླུ་སློབ་ཏུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །
iiif viewer powered by OpenSeadragon
