| e-texts navigator |
| Wylie |
301a1 བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གནག་པའི་རྫས་ཀྱིས་འཕྱིར་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ། །གནག་པའི་རྫས་ཞེས་བྱ་བ་ནི་ལུས་ཀྱི་དྲི་མ་འཕྱི་ཞིང་གནག
301a2 པར་བྱེད་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གནག་པའི་རྫས་ཀྱིས་འཕྱིར་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་དྲུག་པའི
301a3 ཚིགས་སུ་བཅད་པའི་སྡོམ་རྫོགས་སྷོ། ། །།དགེ་སློང་མའི་འདུལ་བ་རྣམ་པར་འབྱེད་པ། བམ་པོ་ཉི་ཤུ་བདུན་པ། སྡོམ་ནི། སྐབས་མ་ཕྱེ་བར་འདྲི་བ་དང་། །ཁྱིམ་པའི་རྒྱན་ནི་ཐོགས
301a4 པ་དང་། །སྦྲེལ་ཅིང་ཁྲུས་ནི་བྱེད་པ་དང་། །གར་དང་གླུ་དང་རོལ་མོ་མིན། །གླེང་གཞི་ནི་མཉན་ཡོད་ན་འོ། །དེ་ནས་སྦོམ་དགའ་མོ་གཙུག་ལག་ཁང་དུ་སོང་ནས་དགེ་སློང་ལ་སྐབས་མ་ཕྱེ་བར་དྲི་བ་དྲིས་པ་དང་། དགེ་སློང་དེས་དྲི་བ་དེས
301a5 དགྲོལ་བར་མ་ནུས་ནས་ཞུམ་ཞུམ་པོར་གྱུར་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི
301a6 བར་དུ་མཛད་དེ། ཡང་དགེ་སློང་མ་གང་དགེ་སློང་ལ་སྐབས་མ་ཕྱེ་བར་དྲི་བ་འདྲི་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དགེ་སློང་ལ་ཞེས་བྱ་བ་ནི་འཁོར་གྱི་གཙོ་བོ་ལ་འོ། །སྐབས་མ་ཕྱེ་བར་ཞེས་བྱ་བ་ནི་གསོལ
301a7 བ་མ་བྱས་པར་རོ། །དྲི་བ་འདྲི་ན་ཞེས་བྱ་བ་ནི་སངས་རྒྱས་ཀྱིས་གསུངས་པ་འམ། ཉན་ཐོས་ཀྱིས་སྨྲས་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི
301a8 ཙམ་ཅུང་ཟད་དགེ་སློང་ལ་སྐབས་མི་ཕྱེ་བར་དྲི་བ་འདྲི་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་བདུན་པའི་དང་པོ་རྫོགས་སྷོ།། །། གླེང་གཞི་ནི་མཉན་ཡོད་ན་འོ། །
iiif viewer powered by OpenSeadragon
