| e-texts navigator |
| Wylie |
300b1 གོས་པར་འགྱུར་རོ། །ཞེས་བྱ་བའི་བར་དུ་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང
300b2 དགེ་སློང་མ་གང་དྲིས་སྐུད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དྲིས་སྐུད་ན་ཞེས་བྱ་བ་ནི་ཙན་དན་དང་། དུ་རུ་ཀ་ལ་སོགས་ཏེ་དྲི་ཞིམ་པོས་སོ། །སྐུད་ན་ཞེས་བྱ་བ་ནི་རང་ངམ་གཞན་སྐུད་དུ་འཇུག་ནའོ། །
300b3 ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དྲིས་སྐུད་དམ། སྐུད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་དྲུག་པའི
300b4 གསུམ་པ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་དྲིས་སྐུད་པ་བཀག་པ་དང་ཞེས་བྱ་བ་ནས། དེ་བཞིན་དུ་ཏིལ་གྱི་ཚིགས་མས་འཕྱི་བ་ལ་ཡང་བརྗོད་པར་བྱ་སྟེ
300b5 ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཏིལ་གྱི་ཚིགས་མས་འཕྱིར་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོ་འོ། །ཏིལ་གྱི་ཚིགས་མས་འཕྱི་བར་བྱེད་ན་ཐམས
300b6 ཅད་དུ་ཞེས་བྱ་བ་ནི་ཏིལ་མར་ཕྱུང་བའི་ཚིགས་མས་ལུས་འཕྱིར་འཇུག་ན་འོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཏིལ་གྱི་ཚིགས་མས་འཕྱིར་འཇུག
300b7 ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་དྲུག་པའི་བཞི་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་བཅུ་གཉིས་སྡེ་དག་གནག་པའི་རྫས་ཀྱིས་ལུས་ཀྱི་དྲི་མ་འཕྱི་བ་ན་དེ་ཉིད་ཉེས
300b8 དམིགས་སུ་གྱུར་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས།
iiif viewer powered by OpenSeadragon
