| e-texts navigator |
| Wylie |
300a1 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་པ་མོ་མཉེད་དུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །
300a2 ཁྱིམ་པ་མོ་ཞེས་བྱ་བ་ནི་ཁྱིམ་ན་གནས་པའོ། །མཉེད་དུ་འཇུག་ན་ཞེས་བྱ་བ་ནི་བསྐུ་མཉེ་བྱེད་དུ་འཇུག་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད
300a3 ཁྱིམ་པ་མོ་མཉེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་ནད་པ་སྦྱོར་མི་བཟོད་པ་འམ། མ་འམ། བུ་འམ། བུ་མོ་འམ། མིང་པོས་མཉེད་ན་ལྟུང་བ་མེད་དོ། །ལྟུང་བྱེད་ཉི་ཤུ་དྲུག་པའི་དང་པོ་རྫོགས་སྷོ།། །།
300a4 གླེང་གཞི་ནི་མཉན་ཡོད་ནའོ། །དེ་བཞིན་དུ་ཀུན་དུ་རྒྱུ་མོ་ལ་ཡང་རྒྱས་པར་བརྗོད་པར་བྱ་སྟེ་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རང་ལ
300a5 ཀུན་ཏུ་རྒྱུ་མོ་མཉེད་དུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོ་འོ། །ཀུན་ཏུ་རྒྱུ་མོ་ཞེས་བྱ་བ་ནི་གྲངས་ཅན་གྱི་རབ་ཏུ་བྱུང་བའོ། །རང་ལ་མཉེད་དུ་འཇུག་ན་ཞེས་བྱ་བ་ནི་ལུས་མཉེད་དུ་འཇུག་ནའོ། །
300a6 ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རང་ལ་ཀུན་ཏུ་རྒྱུ་མོ་མཉེད་དུ་འཇུག་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་དྲུག
300a7 པའི་གཉིས་པ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་དྲིས་སྐུད་པར་བྱེད་པ་དང་། དགེ་སློང་མ་རྣམས་ཀྱིས་སྨྲས་པ། འཕགས་མ་འདི་ཅི་བྱ། དེས་འདི་སྐད་ཅེས་སྨྲས་སོ། །
300a8 ལུས་དྲིས་ཞིམ་པར་བྱའོ། །དེ་དག་གིས་འདི་སྐད་ཅེས་སྨྲས་སོ། །རང་བཞིན་གྱིས་དྲི་མི་ཞིམ་པའི་ལུས་འདི་ཁྱོད་སུའི་ཆེད་དུ་དྲི་ཞིམ་པར་བྱེད་ཅེས་བྱ་བ་ནས། འདོད་ཆགས་ཅན་གྱིས་མཐོང་ན་འདོད་ཆགས་ཀྱིས
iiif viewer powered by OpenSeadragon
