| e-texts navigator |
| Wylie |
29a1 པ་ཤེས་པ་དང་གང་ལས་མངལ་དུ་ཞུགས་པ་དེ་ཡང་ཤེས་པ་དང་། ཁྱེའུར་ཤེས་ཤིང་བུ་མོར་ཤེས་པ་སྟེ། གལ་ཏེ་ཁྱེའུ་ཡིན་ན་དཀུ་གཡས་པར་རྟེན་ཅིང་འདུག་ལ་གལ་ཏེ་བུ་མོ་ཡིན་ན་དཀུ་གཡོན་པར་རྟེན་ཅིང་འདུག་པའོ། །བུད་མེད་དེས
29a2 ཀྱང་ཇི་ལྟར་བདག་གི་དཀུ་གཡས་རོལ་མི་བདེ་བས་ན་གོར་མ་ཆག་པར་བདག་གིས་བུ་རྙེད་དོ་སྙམ་དུ་རིག་ནས་དེ་དགའ་ཞིང་མགུ་ལ་ཡིད་རབ་ཏུ་དགའ་བས་ཁྱིམ་ཐབ་ལ་སྨྲས་པ། རྗེའི་སྲས་ཁྱོད་ལ་བཀའ་མཆིད་སྙན་པ་ཞིག་གསོལ་ལོ། །དེས་འདི
29a3 སྐད་ཅེས་སྨྲས་སོ། །བཟང་མོ་ལྷ་དང་མིའི་གཏམ་སྙན་པ་ཐོས་པར་གྱུར་ཅིག་།གཏམ་སྙན་པ་ཇི་ལྟ་བུ་ཞིག་ཇི་ལྟར་བདག་གི་དཀུ་གཡས་རོལ་མི་བདེ་བས་ན་གོར་མ་བཀུམ་པར་བདག་གིས་བུ་རྙེད་དོ། །དེ་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ནྱ་གྲོ་དྷ
29a4 མགུ་ཞིང་དགའ་ལ་ཡིད་རབ་ཏུ་དགའ་སྟེ། བཞིན་པདྨ་རྒྱས་པ་ལྟ་བུས་དགའ་བའི་ཚིག་འདི་སྐད་ཅེས་སྨྲས་སོ། །བཟང་མོ་ཁྱོད་ཀྱི་བུ་དེ་བཞིན་དུ་སྐྱེ་བར་ཤོག་ཤིག་།ཁོ་བོས་ཀྱང་བུ་སྡུག་པའི་ངོ་མཐོང་བ་དང་། ཁོ་བོས་ཡུན་རིང་མོ་ཞིག་ནས་མངོན
29a5 པར་འདོད་པའི་བུ་ཡིད་ལ་བསམས་པ་བཞིན་དུ་འགྲུབ་པ་དང་། ཁོ་བོ་དང་འཐུན་པར་སྐྱེ་ཞིང་མི་མཐུན་པར་མི་སྐྱེ་བ་དང་། ཁོ་བོའི་བྱ་བ་དག་བྱེད་པ་དང་། གསོས་པས་ཕྱིར་གསོ་བ་དང་། ཁོ་བོས་ནོར་རྫས་ལ་སྤྱོད་པ་དང་། ཁོ་བོའི་རིགས་རྒྱུད་ཀྱང་ཡུན
29a6 རིང་དུ་གནས་པར་འགྱུར་བ་དང་། བདག་གི་དབང་ཕྱུག་ཀྱང་ཉམས་པར་མི་འགྱུར་བ་དང་། བདག་ཅག་ཤི་ཞིང་དུས་ལ་བབ་པ་ན་བདག་ཅག་གི་ཕྱིར་སྦྱིན་པ་ཆུང་ངམ། ཆེན་པོ་དག་སྦྱིན་ཞིང་བསོད་ནམས་དག་བྱས་ནས་འདི་དེ་གཉིས་གང་དུ་སྐྱེས་པ
29a7 དེར་འགྲོ་ཞིང་རྗེས་སུ་འགྲོ་བར་གྱུར་ཅིག་ཅེས་ཡོན་བསྔོ་བར་བྱེད་པར་ཤོག་ཤིག་། དེ་ལ་སེམས་ཅན་ཞུགས་པར་རིག་ནས་སྟེང་གི་ཁང་བཟངས་ཀྱི་གཞིར་གནོད་པ་མེད་པར་འདུག་ཏུ་བཅུག་སྟེ། གྲང་བ་ན་གྲང་བའི་ཡོ་བྱད་དག་དང་། དྲོ་བ་ན་དྲོ་བའི
29a8 ཡོ་བྱད་དག་དང་། སྨན་པས་བསྟན་པའི་ཁ་ཟས་དང་བཏུང་བའི་བྱེ་བྲག་ཧ་ཅང་མི་བསིལ་བ། ཧ་ཅང་མི་དྲོ་བ། ཧ་ཅང་མི་ཁ་བ། ཧ་ཅང་མི་ཚ་བ། ཧ་ཅང་ལན་ཚྭ་མི་ཆེ་བ། ཧ་ཅང་མི་སྐྱུར་བ། ཧ་ཅང་མི་མངར་བ། ཧ་ཅང་མི་བསྐ་བ། ཧ་ཅང་མི་སྣུམ་པ། ཧ་ཅང་མི་རྩུབ་པ།
iiif viewer powered by OpenSeadragon
