| e-texts navigator |
| Wylie |
298b1 བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དཔུང་པར་ཕོལ་མིག་བྱུང་བ་སྐྱེས་པ་ཡང་དང་ཡང་དུ་འཆིང་ཞིང་འགྲོལ
298b2 དུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་གཙུག་དགའ་མོའོ། །དཔུང་པར་ཕོལ་མིག་བྱུང་བ་ཞེས་བྱ་བ་ནི་རྨ་ཞིག་གོ། །ཡང་དང་ཡང་དུ་ཞེས་བྱ་བ་ནི་ལན་དུ་མར་རོ། །སྐྱེས་པས་འཆིང་ཞིང་འགྲོལ་དུ་འཇུག་ན་ཞེས་བྱ
298b3 བ་ནི་ཁྱིམ་པས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་རྨ་བྱུང་བ་སྐྱེས་པ་འཆིང་དུ་འཇུག་གམ། འགྲོལ་དུ་འཇུག་ན་ཐམས་ཅད་དུ
298b4 ལྟུང་བྱེད་དུ་འགྱུར་རོ། །གལ་ཏེ་རྨ་ཉིད་ཡིན་ཏེ་བུ་འམ། མིང་པོ་འམ། ཕའི་དྲན་པ་བཞག་སྟེ་འཆིང་ན་ལྟུང་བ་མེད་དོ། །ལྟུང་བྱེད་ཉི་ཤུ་ལྔ་པའི་དང་པོ་རྫོགས་སྷོ།། །། གླེང་གཞི་ནི་མཉན་ཡོད་ན་འོ། །
298b5 དེ་ནས་སྦོམ་དགའ་མོས་བུད་མེད་སྨད་འཚོང་མ་ཞིག་རབ་ཏུ་ཕྱུང་ངོ་། །དེ་ནས་གཡོན་ཅན་དང་། ནལ་ཕྲུག་དང་། རྒྱན་པོ་དག་སྨད་འཚོང་མ་དེ་ཚོལ་བ་ན། དེ་དག་གིས་སྦོམ་དགའ་མོས་རབ་ཏུ་ཕྱུང་ངོ་ཞེས་ཐོས་ནས་དེ་དག
298b6 གིས་བློ་སྐྱེས་པ། ད་ནི་ལེགས་པ་ཞིག་བྱས་ཀྱི་བདག་ཅག་གིས་དེའི་ཟན་དང་གོས་སྦྱིན་མི་དགོས་ཏེ། དེ་ལྟ་མོད་ཀྱི་དགའ་མགུར་ནི་སྤྱད་པར་བྱའོ་སྙམ་ནས་དེ་དག་གནས་དེར་དོང་ཞིང་ཆ་མ་ཡིན་པའི་ཚིག་དག་འབྱིན་པ་ན། དོན་ཉུང་བའི
298b7 དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས། བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཤེས
298b8 བཞིན་དུ་བུད་མེད་སྨད་འཚོང་མ་རབ་ཏུ་འབྱིན་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་རང་གིས་སམ། གཞན་གྱིས་སྨྲས་པར་གྱུར་པའོ། །
iiif viewer powered by OpenSeadragon
