| e-texts navigator |
| Wylie |
298a1 བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གདུགས་དང་། མཆིལ་ལྷམ་ཐོགས་ན་ལྟུང
298a2 བྱེད་དོ། །ཡང་གང་ཞེས་བྱ་བ་ནི་གཙུག་དགའ་མོའོ། །གདུགས་ཞེས་བྱ་བ་ནི་ཚ་བའི་སྐྱབས་སོ། །མཆིལ་ལྷམ་ཞེས་བྱ་བ་ནི་ལྷམ་མོ། །ཐོགས་ན་ཞེས་བྱ་བ་ནི་བདག་ཉིད་དོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །
298a3 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གདུགས་དང་། མཆིལ་ལྷམ་ཐོགས་ན་ཐམས་ཅད་དུ་ལྟུང་བྱེད་དུ་འགྱུར་རོ། །དབྱར་ཁང་དུ་གནས་མལ་བསྲུང་བའི་ཕྱིར་མཆིལ་ལྷམ་འཆང་བ་ལ་ནི་ལྟུང་བ་མེད་དོ། །
298a4 ལྟུང་བྱེད་ཉི་ཤུ་བཞི་པའི་ཚིགས་སུ་བཅད་པའི་སྡོམ་རྫོགས་སྷོ།། །། སྡོམ་ནི། དཔུང་པར་ཕོལ་མིག་བྱུང་བ་དང་། །སྨད་འཚོང་མ་ཡི་དགེ་སློང་མ། །དགེ་སློང་མ་དང་དགེ་སློབ་མ། །དགེ་ཚུལ་མ
298a5 ཡིས་མཉེ་མི་བྱ། །གླེང་གཞི་ནི་མཉན་ཡོད་ནའོ། །དེ་ནས་གཙུག་དགའ་མོའི་དཔུང་པར་ཕོལ་མིག་བྱུང་ནས་དེ་སྨན་པས་བཅིངས་ཏེ། དེ་ལྟར་བཅིངས་ཟིན་པ་དང་། དེའི་འོག་ཏུ་འདི་སྐད་ཅེས་བཞིན་བཟངས་བཅིང་བ་ཧ་ཅང་དམ་ཆེས་སོ་ཞེས
298a6 སྨྲས་སོ། །ལྷོད་པར་བྱས་པ་དང་། ཧ་ཅང་ལྷོད་ཆེས་སོ་ཞེས་དེ་ལྟར་འཆིང་དུ་འཇུག་ཅིང་འགྲོལ་དུ་འཇུག་པ་དང་། དེ་ནས་སྨན་པ་དེས་འདི་སྐད་ཅེས་སྨྲས་སོ། །ཁྱོད་འོན་ཀྱང་མ་མཐོང་ཡང་བླ། ཕོལ་མིག་ཀྱང་མ་སོས་སུ་ཟད་མོད་ཅེས
298a7 སྨྲས་ནས་སོང་ངོ་། །དེ་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་ཅིའི་ཕྱིར་ཁྱོད་དེ་ལྟར་བྱེད། དེས་འདི་སྐད་ཅེས་སྨྲས་སོ། །ཁོ་མོས་དམ་པ་དང་། ལྷོད་པ་ཤེས་མོད་ཀྱི་རེག་པ་ཙམ་རང་གིར་བྱའོ། །དགེ་སློང་མ་རྣམས་ཀྱིས
298a8 འ་དི་སྐད་ཅེས་གང་གི་ཕྱིར་གནས་སྐབས་དེར་ཡང་ཁྱོད་འདོད་ཆགས་ཀྱི་བློ་སྐྱེས་ན་ཁྱོད་ཤིང་སྐམ་ཇི་ལྟ་བ་བཞིན་དུ་འདོད་ཆགས་ཀྱིས་རབ་ཏུ་མི་འབར་བ་ངོ་མཚར་ཆེའོ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས
iiif viewer powered by OpenSeadragon
