| e-texts navigator |
| Wylie |
297b1 བགོས་ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་གཅིག་གི་ཁྱིམ་དུ་བསོད་སྙོམས་ལ་ཞུགས་ནས་ཁྱིམ་བདག་གི་ཆུང་མ་དེ་ལ་འདི་སྐད་ཅེས་སྨྲས་སོ། །མཚན་བཟངས་མ་བསོད་སྙོམས་བྱིན་ཅིག་།དེས་འདི་སྐད་ཅེས་སྨྲས་སོ། །
297b2 འཕགས་མ་བདག་སྐུད་པ་འཁལ་བས་གློ་བ་བྲེལ་ལོ། །གཙུག་དགའ་མོས་འདི་སྐད་ཅེས་སྨྲས་སོ། །ཁྱོད་སོང་ལ་བསོད་སྙོམས་ཁྱེར་ཏེ་ཤོག་ཤིག་དང་། ཁོ་མོས་བཀལ་ལོ་ཞེས་བསོད་སྙོམས་ཀྱི་ཕྱིར་བཀལ་ཏོ། །
297b3 དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཁྱིམ་དེར་བསོད་སྙོམས་ལ་ཞུགས་ཏེ་འདི་སྐད་ཅེས་སྨྲས་སོ། །ཕུ་ནུ་མོ་བསོད་སྙོམས་བྱིན་ཅིག་།ཁྱིམ་བདག་གི་ཆུང་མས་འདི་སྐད་ཅེས་སྨྲས་སོ། །འཕགས་མ་སྐད་ཅིག
297b4 གཅིག་ཁོལ་མཛོད་ཅིག་དང་། དེའི་བར་དུ་བསོད་སྙོམས་འཚལ་ཏེ་མཆི་འོ། །སྐྱེ་དགུའི་བདག་མོ་ཆེན་མོས་འདི་སྐད་ཅེས་སྨྲས་སོ། །ཕུ་ནུ་མོ་ཁོ་མོ་ཁྱིམ་པར་གྱུར་པ་ན་ཡང་འཁལ་མ་མྱོང་ན། ད་རབ་ཏུ་བྱུང་ནས་འཁལ
297b5 ལམ་དེ་ལྟ་མོད་ཀྱི་ཞེས་བྱ་བ་དང་། བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྐུད་པ་འཁལ་ན་ལྟུང་བྱེད་དོ། །ཡང་གང་ཞེས་བྱ་བ་ནི་གཙུག་དགའ་མོའོ། །སྐུད་པ་ཞེས་བྱ་བ་ནི་བདུན་པོ
297b6 གང་ཡང་རུང་བའོ། །འཁལ་ན་ཞེས་བྱ་བ་ནི་ཕུང་བུར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ཇི་ཙམ་ཅུང་ཟད་སྐུད་པ་འཁལ་ན་ཐམས་ཅད
297b7 དུ་ལྟུང་བྱེད་དུ་འགྱུར་རོ། །གལ་ཏེ་སོ་སོའི་གནས་དབེན་པར་ཤུར་བུ་དང་། ལྕག་ཕོད་དང་། རྒྱ་ཅང་གི་ཕྱིར་ནི་ལྟུང་བ་མེད་དོ། །ལྟུང་བྱེད་ཉི་ཤུ་བཞི་པའི་གསུམ་པ་རྫོགས་སྷོ།། །།
297b8 གླེང་གཞི་ནི་མཉན་ཡོད་ནའོ། །དེ་ནས་གཙུག་དགའ་མོ་མཆིལ་ལྷམ་བགོས། གདུགས་ཐོགས་ཏེ་བསོད་སྙོམས་ལ་རྒྱུ་བ་དང་དེ་སྐྱེ་བོ་མང་པོ་དགོད་ཅིང་བྲམ་ཟེ་དང་། ཁྱིམ་བདག་རྣམས་འཕྱ་བའི་སྐབས་དེ
iiif viewer powered by OpenSeadragon
