| e-texts navigator |
| Wylie |
296b1 དེ་ནས་སྦོམ་དགའ་མོས་ལྷུང་བཟེད་མཐའ་གཅིག་ཏུ་བཞག་ནས་གོས་དག་བརྫེས་ཏེ་ཁྱིམ་དེ་ཐམས་ཅད་ཆག་ཆག་ལེགས་པར་བཏབ། ཕྱག་དར་ལེགས་པར་བྱས་ནས་མལ་བཅས། ལྕགས་ཀྱི་སྣོད་དང་། དངུལ་གྱི་སྣོད་དང་། གསེར
296b2 གྱི་སྣོད་དག་བྱི་དོར་བྱས་ནས་བཞག་སྟེ། ཁྱིམ་དེ་ཐམས་ཅད་ཤིན་ཏུ་མཛེས་པར་བྱས་སོ། །དེ་ཡང་བསོད་སྙོམས་ཀྱི་ཁུར་བླངས་ནས་དབྱར་ཁང་དུ་སོང་ངོ་། །དེ་ནས་ཁྱིམ་བདག་དེས་མཐོང་ནས་འདི་སྐད་ཅེས་སྨྲས་སོ། །བཟང
296b3 མོ་ཁྱོད་ཀྱིས་དེ་རིང་ཁྱིམ་གྱི་བྱི་དོར་གཙང་ལྟར་བྱས་སོ། །དེས་འདི་སྐད་ཅེས་སྨྲས་ཏེ་འཕགས་མ་སྦོམ་དགའ་མོས་བགྱིས་ཀྱི་བདག་གིས་མ་བགྱིས་སོ། །དེས་འདི་སྐད་ཅེས་སྨྲས་སོ། །ཁྱོད་ཀྱིས
296b4 དེ་ལ་ཉི་མ་རེ་རེ་ཞིང་བསོད་སྙོམས་བྱིན་ཅིག་དང་། ཁྱོད་ཀྱི་ཁྱིམ་གྱི་གོ་རེ་ལོང་བྱེད་པར་འགྱུར་རོ། །དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཁྱིམ་དེར་བསོད་སྙོམས་ལ་ཞུགས་པ་དང་། དེ་ནས་ཁྱིམ་བདག་གི
296b5 ཆུང་མ་དེས་སྐྱེ་དགུའི་བདག་མོ་ཆེན་མོ་ལ་འདི་སྐད་ཅེས་སྨྲས་སོ། །འཕགས་མ་བདག་གི་ཁྱིམ་གྱི་གོ་རེ་ལོང་མཛོད་དེ་སྩོལ། དེས་འདི་སྐད་ཅེས་སྨྲས་སོ། །ཕུ་ནུ་མོ་ཁོ་མོས་ཟས་གཙང་གི་ཁྱིམ་གྱི་གོ་རེ་ལོང་ཡང་མ་བྱས་ན་ད་རབ་དུ་བྱུང
296b6 ནས་བྱ་འམ། དེ་ལྟ་མོད་ཀྱི་ཕུ་ནུ་མོ་ཁྱོད་ཚུལ་ཁྲིམས་དང་ལྡན་པ་ལ་མཆིད་སྩལ་བ་ནི་བསོད་ནམས་མ་ཡིན་པ་མང་དུ་བསགས་ནས་བྲན་མོར་འགྱུར་བའི་ས་བོན་བསྐྱེད་དམ། གཞན་ཡང་ཁྱོད་ཀྱིས་རབ་ཏུ་བྱུང་བ་ཁྱིམ་གྱི་གོ་རེ་ལོང་བྱེད་པ་མཐོང
296b7 བ་འམ་ཐོས་པ་སུ་ཡོད། དེས་འདི་སྐད་ཅེས་སྨྲས་སོ། །སྦོམ་དགའ་མོ་ལགས་སོ། །སྐྱེ་དགུའི་བདག་མོ་ཆེན་མོས་ཀྱང་འདི་སྐད་ཅེས་དེ་ཁོ་ནས་བདག་ཅག་ལ་ཡང་གནས་སྐབས་འདི་བྱུང་ངོ་ཞེས་སྨྲས་པ་ན། དོན་ཉུང་བའི
296b8 དགེ་སློང་མ་དག་སྨོད་པར་བྱེད་པའི་སྐབས་དེ། བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་གྱི་གོ་རེ
iiif viewer powered by OpenSeadragon
