| e-texts navigator |
| Wylie |
296a1 ཁ་ཟས་ཤེས་བྱ་བ་ནི་ཕྱེ་ལ་སོགས་པའོ། །འཚོང་ན་ཞེས་བྱ་བ་ནི་རིན་ལེན་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཁ་ཟས་འཚོང་ན་ཇི
296a2 སྲིད་དུ་རིན་རང་གིར་མ་བྱས་པ་དེ་སྲིད་དུ་ཉེས་བྱས་སོ། །རང་གིར་བྱས་ན་ལྟུང་བྱེད་དོ། །ལྟུང་བྱེད་ཉི་ཤུ་གསུམ་པའི་ཚིགས་སུ་བཅད་པའི་སྡོམ་རྫོགས་སྷོ།། །། སྡོམ་ནི། ཁྱིམ་གྱི་གོ་རེ་ལོང་མི་བྱ། །
296a3 སྟན་ནི་སྐྱེད་དུ་མི་གཞུག་ཅིང་། །སྐུད་པ་འང་བཀལ་བར་མི་བྱ་སྟེ། །གདུགས་དང་མཆིལ་ལྷམ་མི་བཅང་བའོ། །གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ།
296a4 ཁྱིམ་བདག་གཅིག་གི་ཁྱིམ་དུ་བསོད་སྙོམས་ལ་ཞུགས་ནས། དེ་ནས་ཁྱིམ་བདག་གི་ཆུང་མ་དེ་ལ་འདི་སྐད་ཅེས་སྨྲས་སོ། །མཚན་བཟངས་མ་བསོད་སྙོམས་བྱིན་ཅིག་།དེས་འདི་སྐད་ཅེས་སྨྲས་སོ། །འཕགས་མ་བདག་གློ་བ་མི
296a5 དགའ་ལགས་སོ། །སྦོམ་དགའ་མོས་འདི་སྐད་ཅེས་སྨྲས་སོ། །ཅི་དེ་རིང་ཁྱོད་ཀྱིས་བེའུ་ཐམས་ཅད་འོ་མ་འཐུངས་སམ། དེས་འདི་སྐད་ཅེས་སྨྲས་སོ། །འཕགས་མ་ཁྱིམ་གྱི་གོ་རེ་ལོང་གི་རྔོ་མི་ཐོགས་ལགས་མོད། སྦོམ
296a6 དགའ་མོས་ཡང་འདི་སྐད་ཅེས་སྨྲས་སོ། །ཅི་ཁྱོད་ཀྱང་ཁབ་ཇི་ལྟ་བར་ལས་སྣ་གཅིག་པ་ཡིན་ནམ། ཁྱིམ་བདག་གི་ཆུང་མས་ཀྱང་འདི་སྐད་ཅེས་སྨྲས་སོ། །འཕགས་མ་ཁྱོད་འདི་ལ་བྱང་བ་ཅུང་ཟད་མངའ་འམ། སྦོམ
296a7 དགའ་མོས་ཀྱང་འདི་སྐད་ཅེས་སྨྲས་སོ། །ཁོ་མོས་བཟོའི་གནས་དང་། ལས་ཀྱི་གནས་གང་ལ་མ་བྱང་བ་ནི་གང་ཞིག་ཡོད། དེ་ནས་ཁྱིམ་བདག་གི་ཆུང་མ་དེས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ་བདག་གི་གོ་རེ
296a8 ལོང་མཛོད་ཅིག་། དེས་འདི་སྐད་ཅེས་སྨྲས་སོ། །ཁོ་མོ་ལ་སུས་བསོད་སྙོམས་སྦྱིན་པར་འགྱུར། ཁྱིམ་བདག་གི་ཆུང་མས་འདི་སྐད་ཅེས་སྨྲས་ཏེ་བྱ་བ་ནས། ཁང་སྐྱོང་ལ་ཡང་དབུལ་ལོ་ཞེས་བྱ་བའི་བར་རོ། །
iiif viewer powered by OpenSeadragon
