| e-texts navigator |
| Wylie |
295b1 ཡང་དགེ་སློང་མ་གང་སྐྱེས་པ་ལ་རིག་པ་ཀློག་ཏུ་འཇུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །སྐྱེས་པ་ལ་ཞེས་བྱ་བ་ནི་མི་ལའོ། །རིག་པ་ཞེས་བྱ་བ་ནི་རིག་པ་མ་ཡིན་པ་ལ་རིག་པའི་སྒྲར་གསུངས་པའོ། །
295b2 ཀློག་ཏུ་འཇུག་ན་ཞེས་བྱ་བ་ནི་འདོན་དུ་འཇུག་པའོ། །ལྟུང་བྱེད་དེ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྐྱེས་པ་ལ་རིག་པ་ཀློག་ཏུ་འཇུག་ན་ཐམས་ཅད་དུ་ལྟུང་བྱེད
295b3 དུ་འགྱུར་རོ། །ལྟུང་བྱེད་ཉི་ཤུ་གསུམ་པའི་བཞི་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་བསོད་སྙོམས་མང་དུ་རྙེད་པ་དང་། དེས་བསོད་པ་གང
295b4 ཡིན་པ་དེ་ནི་ཟོས། ཕྱེ་དང་འབྲས་ཆན་ལ་སོགས་པ་ངན་པ་གང་ཡིན་པ་དེ་ནི་བཙོངས་སོ། །དེ་ནས་དུས་གཞན་ཞིག་ན་སྦོམ་དགའ་མོ་དགོས་པ་འགའ་ཞིག་གི་ཕྱིར་ཕྱི་རོལ་དུ་སོང་བ་དང་། ཕྱེ་ཉོ་བ་ཞིག་འོངས་པ་ནས།
295b5 དེ་སྐྱེ་དགུའི་བདག་མོ་ཆེན་མོའི་དྲུང་དུ་སོང་སྟེ། སོང་ནས་འདི་སྐད་ཅེས་སྨྲས་སོ། །འཕགས་མ་ཇི་ག་ཕྱེ་དག་མངའ་འམ། སྐྱེ་དགུའི་བདག་མོ་ཆེན་མོས་འདི་སྐད་ཅེས་སྨྲས་སོ། །བཞིན་བཟངས་ཅི་ཁོ་མོ་ཕྱེའི་ཚོང་ཁང་གིས་བསྐོར་ཏམ།
295b6 དེ་ནས་མི་དེས་འདི་སྐད་ཅེས་སྨྲས་སོ། །འཕགས་མ་དགེ་སློང་མ་དག་ཕྱེ་འཚོང་ལགས་སོ། །དེས་འདི་སྐད་ཅེས་སྨྲས་སོ། །བཞིན་བཟངས་ཕྱེ་འཚོང་བའི་དགེ་སློང་མ་དེ་གང་ཡིན། དེ་ནས་མི་དེས་འདི་སྐད་ཅེས་སྨྲས་སོ། །སྦོམ་དགའ་མོ
295b7 ལགས་སོ། །སྐྱེ་དགུའི་བདག་མོ་ཆེན་མོ་གཽ་ཏ་མཱིས་འདི་སྐད་ཅེས་དེ་ཁོ་ནས་ཁོ་མོ་ཅག་ལ་ཡང་གནས་སྐབས་འདི་བྱུང་ངོ་ཞེས་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ
295b8 ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁ་ཟས་འཚོང་ན་ལྟུང་བྱེད་དོ། ཡང་གང་ཞེས་བྱ་བ་ནི་སྦོམ་དགའ་མོ་འོ། །
iiif viewer powered by OpenSeadragon
