| e-texts navigator |
| Wylie |
292a1 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྨྱེ་གབ་མི་འཆང་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་གཉིས་པའི་དང་པོ་རྫོགས་སྷོ།། གླེང་གཞི་ནི་མཉན་ཡོད་ནའོ། །
292a2 དེ་ནས་ཕྲེང་ལྡན་མས་བཅོམ་ལྡན་འདས་ཀྱིས་དགེ་སློང་མ་རྣམས་ལ་སྨྱེ་གབ་རྗེས་སུ་གནང་ངོ་ཞེས་ཐོས་ནས་དེ་འདི་སྙམ་དུ་ཀྱེ་མའོ་བདག་གིས་དགེ་སློང་མའི་དགེ་འདུན་ཐམས་ཅད་ལ་སྨྱེ་གབ་དབུལ་ལོ་སྙམ་དུ་བསམས་སོ། །
292a3 དེ་ནས་སྦོམ་དགའ་མོ་བཙུན་མོ་ཕྲེང་ལྡན་མ་གང་ན་བ་དེར་སོང་སྟེ་ཕྱིན་ནས། བཙུན་མོ་ཕྲེང་ལྡན་མ་ལ་འདི་སྐད་ཅེས་སྨྲས་སོ། །བཙུན་མོ་བཅོམ་ལྡན་འདས་ཀྱིས་དགེ་སློང་མ་རྣམས་ལ་སྨྱེ་གབ་རྗེས་སུ་གནང་ངོ་། །དེ་ནས་བཙུན་མོ
292a4 ཕྲེང་ལྡན་མས་ནང་མི་ལ་བསྒོ་བ་དང་། དེ་དག་གིས་གོས་སྣ་ཚོགས་ཀྱིས་སྒྲོམ་དག་མདུན་དུ་བཞག་གོ། །དེ་ནས་བཙུན་མོ་ཕྲེང་ལྡན་མས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ་གོས་འདི་དགེ་སློང་མའི་ཚོགས
292a5 ཐམས་ཅད་ལ་སྨྱེ་གབ་དུ་རིམས་ཤིག་། དེ་ནས་སྦོམ་དགའ་མོས་གོས་འདི་དག་ཐམས་ཅད་རང་གིར་བྱས་པ་དང་། དགེ་སློང་མ་གཞན་ཞིག་བཙུན་མོ་ཕྲེང་ལྡན་མ་གང་ན་བ་དེར་སོང་སྟེ་ཕྱིན་ནས་བཙུན་མོ་ཕྲེང་ལྡན་མ་ལ་འདི་སྐད་ཅེས་སྨྲས་སོ། །
292a6 བཙུན་མོ་བདག་ལ་ཡང་སྨྱེ་གབ་སྩོལ་ཅིག་།དེ་ནས་བཙུན་མོ་ཕྲེང་ལྡན་མས་དགེ་སློང་མ་དེ་ལ་འདི་སྐད་ཅེས་སྨྲས་སོ། །འཕགས་མ་བདག་གིས་དགེ་སློང་མའི་ཚོགས་ཐམས་ཅད་ཀྱི་སྨྱེ་གབ་སྦོམ་དགའ་མོའི་ལག་ཏུ་གཏད་ལགས
292a7 སོ། །ཇི་ཙམ་ན་སྦོམ་དགའ་མོ་ལ་བསླངས་པ་ལས་མ་བྱིན་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ
292a8 པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྨྱེ་གབ་ཅན་གྱི་ཚོགས་ཀྱི་སྨེ་གབ་གང་ཟག་རང་གིར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །སྨྱེ་གབ་ཅན་ཞེས་བྱ་བ་ནི་བུད་མེད་ན་བའོ། །ཚོགས་ཀྱི
iiif viewer powered by OpenSeadragon
