| e-texts navigator |
| Wylie |
291a1 ཡང་དགེ་སློང་མ་གང་ཟླ་བ་ཕྱེད་ཕྱེད་ཅིང་ཆོས་གོས་བྱིན་གྱིས་བརླབ་པ་ཉམས་སུ་མྱོང་བར་མི་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཟླ་བ་ཕྱེད་ཅིང་ཅེས་བྱ་བ་ནི་ཟླ་བ་ཕྱེད་ཅིང་ངོ་། །ཆོས་གོས་ཤེས
291a2 བྱ་བ་ནི་ལྔ་པོ་གང་ཡང་རུང་བའོ། །བྱིན་གྱིས་བརླབ་པ་ཞེས་བྱ་བ་ནི་བྱིན་གྱིས་བརླབ་པར་བྱ་བ་དྲན་པར་བྱའོ། །ཉམས་སུ་མྱོང་བར་མི་བྱེད་ན་ཞེས་བྱ་བ་ནི་སྟོན་པའི་བསླབ་པ་ཉམས་སུ་མྱོང་བར་མི་བྱེད་ནའོ། །ལྟུང་བྱེད་དོ
291a3 ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཚེས་བཅཝ་ལྔ་བཅཝ་ལྔ་ཞིང་ཆོས་གོས་བྱིན་གྱིས་བརླབ་པ་ཉམས་སུ་མྱོང་བར་མི་བྱེད་ན་ཐམས་ཅད་དུ་ལྟུང་བྱེད་དུ
291a4 འགྱུར་རོ། །ལྟུང་བྱེད་ཉི་ཤུ་གཅིག་པའི་གསུམ་པ་རྫོགས་སྷོ།། །། གླེང་གཞི་ནི་རྒྱལ་པོའི་ཁབ་ནའོ། །གང་གི་ཚེ་སྦོམ་དགའ་མོས་གར་མཁན་མོ་ལས་གླར་བཅའ་བ་བླངས་ཏེ་ཆོས་གོས་བྱིན་པ་དང་།
291a5 དེས་བགོས་ནས་གར་བྱས་ཏེ་དེ་ཉིད་དུ་དྲུག་སྡེ་དག་སུན་ཕྱུང་ངོ་། །དེ་ནས་དྲུག་སྡེ་རྣམས་ཀྱིས་ཐོས་ནས་སྦོམ་དགའ་མོའི་དྲུང་དུ་སོང་སྟེ། སྦོམ་དགའ་མོ་དང་གཏུགས་ནས་སྣད་པར་བརྡེགས་སོ། །དེ་ཡང་མིག
291a6 ཕུབས་སྐྲངས་ཤིང་དབྱར་ཁང་དུ་སོང་བ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། ཁྱོད་སུས་བརྡེགས། དེས་འདི་སྐད་ཅེས་སྨྲས་སོ། །ཁོ་མོ་མིང་པོ་དག་གིས་བརྡེགས་ཀྱིས་མི་དགར་མ་བྱེད་ཅིག་།དེ་དག་གིས
291a7 འདི་སྐད་ཅེས་སྨྲས་སོ། །ཅིའི་ཕྱིར་དེས་སྐབས་དེ་རྒྱས་པར་སྨྲས་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང
291a8 ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཁྱིམ་པ་མོ་ལ་དགེ་སྦྱོང་གིས་ཆོས་གོས་བྱིན་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཁྱིམ་པ་མོ་ཞེས་བྱ་བ་ནི་ཁྱིམ་ན་གནས་པའོ། །དགེ་སྦྱོང
iiif viewer powered by OpenSeadragon
