| e-texts navigator |
| Wylie |
289b1 ཁྲུས་བྱས་པ་ལེགས་སོ། །འོར་ཆེའོ་ཞེས་བྱ་བ་ནས། སྦོམ་དགའ་མོས་བཀྲུས་སོ་ཞེས་བྱ་བ་དང་། བསོད་སྙོམས་རབ་ཏུ་མང་དུ་ཕུལ་ལོ་ཞེས་བྱ་བའི་བར་རོ། །དེ་ནས་དུས་གཞན་ཞིག་ན་སྐྱེ་དགུའི་བདག་མོ་ཆེན་མོ་གཽ་ཏ་མཱི་སྔ་དྲོ་ཤམ་ཐབས་བགོས།
289b2 ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་གི་ཁྱིམ་དེར་བསོད་སྙོམས་ཀྱི་ཕྱིར་ཞུགས་ནས་འདི་སྐད་ཅེས་སྨྲས་སོ། །མཚན་བཟང་མ་བསོད་སྙོམས་བྱིན་ཅིག་།དེས་འདི་སྐད་ཅེས་སྨྲས་སོ། །འཕགས་མ་བདག་གི་ཁྱིའུ
289b3 ཁྲུས་གྱིས་ལ་སྩོལ་ཅིག་། དེ་ནས་སྐྱེ་དགུའི་བདག་མོ་ཆེན་མོས་འདི་སྐད་ཅེས་སྨྲས་སོ། །ཕུ་ནུ་མོ་ཁོ་མོས་བྱང་ཆུབ་སེམས་དཔའ་བཀྲུས་ཏེ། དེ་ལས་ཁྱེའུ་གཞན་ནི་མ་བཀྲུས་སོ། །ཕུ་ནུ་མོ་ཁྱོད་དགེ་སློང་མ་ཚུལ
289b4 ཁྲིམས་དང་ལྡན་པ་ལ་མཆིད་སྩོལ་བའི་ཕྱིར་ཡང་བྲན་མོར་འགྱུར་བའི་ལས་གསོག་གམ། དེ་ལྟ་མོད་ཀྱི་ཕུ་ནུ་ཁྱོད་ཀྱིས་འདི་ལྟར་དགེ་སློང་མ་ཁྱིའུ་འཁྲུ་བ་ག་ལས་མཐོང་ངམ་ཐོས། དེས་འདི་འདི་སྐད་ཅེས་སྨྲས་སོ། །
289b5 འཕགས་མ་སྦོམ་དགའ་མོས་བཀྲུས་སོ། །སྐྱེ་དགུའི་བདག་མོ་ཆེན་མོས་འདི་སྐད་ཅེས་དེ་ཁོ་ནས་ཁོ་མོ་ཅག་ལ་ཡང་གནས་སྐབས་འདི་བྱུང་ངོ་། །ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ
289b6 ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་བུ་ལེན་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །བུ་ཞེས་བྱ་བ་ནི་བུ་ཆུང་ངུའོ། །ལེན་ན
289b7 ཞེས་བྱ་བ་ནི་རྩེ་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཅི་ཡང་རུང་བུ་ལེན་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་ཉི་ཤུ་པའི་ཚིགས་སུ་བཅད
289b8 པའི་སྡོམ་རྫོགས་སྷོ། ། །། སྡོམ་ནི། ཁྲུས་རས་དག་ནི་བྱ་བ་དང་། །གོས་དང་བཀྲུ་བར་བྱ་བ་དང་། །སྣམ་སྦྱར་དག་ནི་རྗེ་བ་དང་། །དགེ་ཚུལ་ཆོས་གོས་སྦྱིན་པའོ། །གླེང་གཞི་ནི་མཉན་ཡོད་ནའོ། །
iiif viewer powered by OpenSeadragon
