| e-texts navigator |
| Wylie |
289a1 གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ནས་བསོད་སྙོམས་ཀྱི་ཕྱིར་བྱུང་སྟེ་ཁྱིམ་བདག་གཅིག་གིས་ཁྱིམ་དུ་ཞུགས་པ་དང་། ཁྱིམ་བདག་དེའི་ཆུང
289a2 མ་བུ་ཐོན་བུ་བཙས་པས་རང་གིས་ཁྱེའུ་བཀྲུ་བ་མ་ཤེས་སོ། །དེ་ནས་སྦོམ་དགའ་མོས་འདི་སྐད་ཅེས་སྨྲས་སོ། །མཚན་བཟངས་མ་བསོད་སྙོམས་བྱིན་ཅིག་།དེས་འདི་སྐད་ཅེས་སྨྲས་སོ། །འཕགས་མ་བདག་གློ་བ་མི་དགའ
289a3 ལགས་སོ། །སྦོམ་དགའ་མོས་འདི་སྐད་ཅེས་སྨྲས་སོ། །ཅིའི་ཕྱིར། བདག་གིས་ཁྱེའུ་སུས་ཀྱང་མ་བཀྲུས་སོ། །སྦོམ་དགའ་མོས་འདི་སྐད་ཅེས་སྨྲས་སོ། །ཅིའི་ཕྱིར་ཁྱོད་མི་འཁྲུ་མ་འཚལ་ཏོ། །སྦོམ་དགའ་མོས་འདི་སྐད་ཅེས
289a4 སྨྲས་སོ། །ཅི་ཁྱོད་ཀྱང་ཁབ་བཞིན་དུ་ལས་སྣ་གཅིག་པ་ཡིན་ནམ། དེས་འདི་སྐད་ཅེས་སྨྲས་སོ། །འཕགས་མ་འདི་ལ་བྱང་བ་ཅུང་ཟད་མངའ་འམ། སྦོམ་དགའ་མོས་འདི་སྐད་ཅེས་སྨྲས་སོ། །ཁོ་མོས་བཟོའི་གནས་དང་། ལས་ཀྱི་གནས་གང་ལ་མ་བྱང
289a5 བ་ཅུང་ཟད་ཡོད་དམ། དེས་འདི་སྐད་ཅེས་སྨྲས་སོ། །འཕགས་མ་བདག་གི་ཁྱིའུ་ཁྲུས་གྱིས་ལ་སྩོལ་ཅིག་།དེ་ནས་སྦོམ་དགའ་མོས་འདི་སྐད་ཅེས་སྨྲས་སོ། །ཁོ་མོ་ལ་སུས་བསོད་སྙོམས་སྦྱིན་པར་འགྱུར། །དེས་འདི་སྐད་ཅེས་སྨྲས་སོ། །བདག
289a6 གིས་ཕྱི་བཞིན་འབྲང་བའི་དགེ་སྦྱོང་མ་དང་། བདག་གིས་མཁན་མོ་དང་། ཁང་སྐྱོང་མ་ལ་དབུལ་ལོ། །དེ་ནས་སྦོམ་དགའ་མོས་ལྷུང་བཟེད་བཞག་།གོས་དག་བརྫེས་ནས་ཁྱེའུ་བླངས་ཏེ། ཡུད་ཙམ་ཞིག་བསྐྱོད་ནས་དེའི་འོག་ཏུ་འདག
289a7 རྫས་དག་གིས་བཀྲུས་དྲིལ་ཏེ། དེ་ནས་ཆུ་དྲོན་གྱིས་བཀྲུས། མིག་ཏུ་མིག་སྨན་བླུགས། ས་ཞག་གིས་ཐིག་ལེ་བྲིས་སྐྲའི་བྱི་དོར་བྱས། སྦྲང་རྩི་དང་མར་སར་གྱིས་བསྙོད་ནས་ཁུལ་ཞོར་བཅུག་སྟེ་བསྙལ་ནས་འདི་སྐད་ཅེས་ཁྱོད་ཀྱིས་འདི
289a8 བཞིན་དུ་ཉི་མ་རེ་རེ་ཞིང་ཁྲུས་བྱོས་ཤིག་ཅེས་བསྒོ་ནས། དེ་ནས་བསོད་སྙོམས་ཀྱིས་ཁུར་བསླང་སྟེ་དབྱར་ཁང་དུ་སོང་ངོ་། །དེ་ནས་ཁྱིམ་བདག་དེ་འོངས་ནས། ཆུང་མ་དེ་ལ་འདི་སྐད་ཅེས་སྨྲས་སོ། །བཟང་མོ་ཁྱོད་ཀྱིས་དེ་རིང་ཁྱེའུ
iiif viewer powered by OpenSeadragon
