| e-texts navigator |
| Wylie |
288b1 བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཆོས་ལ་སེར་སྣ་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཆོས་ལ་སེར་སྣ་བྱེད་ན་ཞེས་བྱ་བ་ལ་ཆོས་ཞེས་བྱ་བ་ནི་སངས་རྒྱས་ཀྱིས་གསུངས་པ
288b2 འམ། ཉན་ཐོས་ཀྱིས་སྨྲས་པའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཆོས་ལ་སེར་སྣ་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །སེར་སྣ་ལྔའི
288b3 བར་སྡོམ་ནི། གནས་དང་བསྔགས་དང་ཁྱིམ་དང་ནི། །རྙེད་པ་ཉིད་དང་ཆོས་ལ་འོ། །ལྟུང་བྱེད་ཉི་ཤུ་པའི་བདུན་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་བཅུ་གཉིས་སྡེ་རྣམས་རྙེད་པ་གནས་གཅིག་ཏུ་ཟོས་ནས་གཅིག
288b4 ཤོས་སུ་ཡང་ཟ་བར་བྱེད་དེ། དེ་ལྟར་སྤངས་པ་དང་། མ་སྤངས་པ་ཟ་བ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ
288b5 ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཟོས་ཏེ་སྤངས་ཟིན་ནས་བཅའ་བ་དང་། བཟའ་བ་འཆོས་སམ་ཟོས་ན་ལྟུང་བྱེད་དོ། །ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ། །ཟོས་ཟིན་ནས་ཤེས
288b6 བྱ་བ་ནི་གནས་གཅིག་ཏུ་སྤངས་ནས་སྤྱོད་ལམ་བཤིག་པའོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་། བཟའ་བ་ལྔའོ། །འཆོས་སམ་ཟོས་ན་ཞེས་བྱ་བ་ནི་ལྐོག་མར་ཁམ་གྱིས་མིད་ནའོ། །
288b7 ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་སྤངས་པ་ལ་སྤངས་པའི་འདུ་ཤེས་ཀྱིས་འཆོས་སམ་ཟོས་ན་ལྟུང་བྱེད་དོ། །དེ་བཞིན་དུ་ཡིད་གཉིས
288b8 ཟ་ན་ལྟུང་བྱེད་དོ། །དགེ་སློང་མས་མ་སྤངས་པ་ལ་སྤངས་པའི་འདུ་ཤེས་ཀྱིས་འཆོས་སམ་ཟོས་ན་ཉེས་བྱས་སོ། །དེ་བཞིན་དུ་ཡིད་གཉིས་ཟ་ན་ཉེས་བྱས་སོ། །ལྟུང་བྱེད་ཉི་ཤུ་པའི་བརྒྱད་པ་རྫོགས་སྷོ།། །།
iiif viewer powered by OpenSeadragon
