| e-texts navigator |
| Wylie |
288a1 དེ་ན་རི་སྐེགས་མོ་རྣམས་ལ་ཕུ་ནུ་མོ་དག་ཁྱེད་མཁྲིས་པའི་ནད་ཀྱིས་སྨྱོས་པར་གྱུར་དང་མི་རུང་གིས་ཁྱེད་ཅག་གཏིལ་ལ་མ་ཟ་ཤིག་ཅེས་རྗེས་སུ་བསྟན་ནས། དེ་རང་ཉིད་ཤིང་རྟ་འོང་བའི་ལམ་ཁ་ན་ཏིལ་ཟ་ཟ་བ་ལས་ཤིང་རྟའི
288a2 འཁོར་ལོས་མགོ་བཅད་པར་གྱུར་ཏོ། །དེ་ནས་ལྷ་ཞིག་གིས་དེའི་ཚེ་ཚིགས་སུ་བཅད་དེ་སྨྲས་པ། གཞན་ལ་རྗེས་སུ་སྟོན་བྱེད་ཅིང་། །རང་ཉིད་སྒྲུབ་པར་མི་བྱེད་པ། །བརྐམ་ཆགས་པ་ཡི་རང་བཞིན་ཅན། །རི་སྐེགས་མོ་འདི་འཁོར་ལོས་བཅོམ། །དགེ་སློང
288a3 དག་ཇི་སྙམ་དུ་སེམས། རི་སྐེགས་མོ་གང་ཡིན་པ་དེ་ནི་སྦོམ་དགའ་མོ་འདི་ཉིད་ཡིན་ཏེ། དེ་ན་ཡང་འདི་གཞན་དག་ལ་རྗེས་སུ་སྟོན་ཅིང་བདག་ཉིད་མི་སྒྲུབ་པས་ཚུལ་བཞིན་མ་ཡིན་པས་སྡུག་བསྔལ་བར་གྱུར་ལ། ད་ལྟར་ཡང་གཞན་དག
288a4 ལ་རྗེས་སུ་སྟོན་ཅིང་བདག་ཉིད་མི་སྒྲུབ་པས་ཚུལ་བཞིན་མ་ཡིན་པས་སྡུག་བསྔལ་བར་གྱུར་ཏོ། །དེ་ལྟ་བས་ན་དགེ་སློང་དག་འདི་ལྟར་བསླབ་པར་བྱ་སྟེ། འཐུན་པ་གང་ལ་བདག་ཉིད་སྒྲུབ་པ་ལ་གཞན་དག་ཀྱང་རྗེས་སུ་བསྟན་པར་བྱ
288a5 སྟེ། དགེ་སློང་དག་ཁྱེད་ཀྱིས་དེ་ལྟ་བུ་ལ་བསླབ་པར་བྱའོ། །ལྟུང་བྱེད་ཉི་ཤུ་པའི་དྲུག་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ན་སྦོམ་དགའ་མོ་ལ་ལྷན་ཅིག་གནས་པ་དང་། ཉེ་གནས་རྣམས་ཀྱིས་ལུང་བསླངས་པ་དང་།
288a6 དེས་འདི་སྐད་ཅེས་དེང་ལ་རེ་ཤིག་ཁོ་མོའི་སྣོད་དུ་ཚོས་ཤིག་།བུ་རམ་དང་སེ་འབྲུ་དག་ཉེས་ཤིག་ཅེས་སྨྲས་ནས་དེ་ཕན་ཚུན་བསྒྱངས་ཏེ། དེ་དག་ལ་ལུང་མ་བྱིན་པ་དང་། དེ་དག་གིས་འདི་སྐད་ཅེས་སྨྲས་སོ། །འཕགས་མ་ཁྱོད་ཆོས་ལ་སེར་སྣ་མི
288a7 བྱེད་གྲང་། དེས་འདི་སྐད་ཅེས་ཀྱེ་བུ་ཟན་མོའི་བུ་མོ་དག་ཁོ་མོ་དྲུག་སྡེ་རྣམས་ལ་ལུང་གི་ཆེད་དུ་སེའུ་འབྲུའི་མཉེས་པས་ནི་ལག་པ་ལ་སེར་ཀ་བྱུང་། བཟོད་པ་གསོལ་བས་ནི་མགོ་བོ་བྱི། པུས་མོ་བཙུགས་ནས་ལུང་གསོལ
288a8 བས་ནི་ལྕེ་གས་ན་ཁོ་མོ་ཅིའི་ཕྱིར་སེར་སྣ་མི་བྱེད་ཅེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས།
iiif viewer powered by OpenSeadragon
