| e-texts navigator |
| Wylie |
282a1 ཤེས་བཞིན་དུ་འཁོར་ལོ་གཉིས་སུ་ཆོས་དྲུག་དང་། རྗེས་སུ་འཐུན་པའི་ཆོས་དྲུག་ལ་བསླབས་ནས་བསྙེན་པར་རྫོགས་པར་མི་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་རང
282a2 གིས་སམ། གཞན་གྱིས་སྨྲས་པར་གྱུར་པའོ། །བསླབས་ནས་ཤེས་བྱ་བ་ནི་དགེ་སློབ་མར་འགྱུར་བའི་བསླབ་པ་ལའོ། །བསྙེན་པར་རྫོགས་པར་མི་བྱེད་ན་ཞེས་བྱ་བ་ནི་གསོལ་པ་དང་བཞིའི་ལས་ཀྱིས་སོ། །ལྟུང་བྱེད་དོ་ཞེས་བྱ་བ་ནི
282a3 གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཤེས་བཞིན་དུ་ལོ་གཉིས་ཀྱི་བར་དུ་བསླབས་ཏེ། དེ་ལས་ལྷག་པར་འཇོག་ཅིང་བསྙེན་པར་རྫོགས་པར་མི་བྱེད་ན་ཐམས་ཅད་དུ་ལྟུང་བྱེད་དུ
282a4 འགྱུར་རོ། །ལྟུང་བྱེད་བཅཝ་བརྒྱད་པའི་དང་པོ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་སྔ་དྲོ་ཤམ་ཐབས་བགོས་ཏེ་ཁྱིམ་བདག་གཅིག་གི་ཁྱིམ་དུ་ཞུགས་པ་ལས། དེ་ན་བུད་མེད་ཅིག
282a5 ཁྱིམ་ཐབ་དང་ལྷན་ཅིག་རྩོད་ཅིང་འདུག་པ་དང་། དེས་འདི་སྐད་ཅེས་སྨྲས་སོ། །ཅི་ཞིག་ཡིད་མི་བདེ་ཞིང་འདུག་།དེས་སྐབས་དེ་རྒྱས་པར་སྨྲས་པ་དང་། དེ་ནས་སྦོམ་དགའ་མོས་བུད་མེད་དེ་ལ་འདི་སྐད་ཅེས་སྨྲས་སོ། །ཁྱོད་ཅིའི་ཕྱིར
282a6 རབ་ཏུ་མི་འབྱུང་། དེས་འདི་སྐད་ཅེས་སྨྲས་སོ། །བདག་སུ་ཞིག་གིས་རབ་ཏུ་འབྱིན་པར་འགྱུར། དེས་འདི་སྐད་ཅེས་ཁོ་མོས་བྱའོ་ཞེས་སྨྲས་པ་ནས་ཇི་ཙམ་ན་དེས་རབ་ཏུ་ཕྱུང་ངོ་། །དེའི་འོག་ཏུ་ཁྱིམ་ཐབ་འོངས་ནས་དེས་ཁྱིམ་ཚེས
282a7 ལ་དྲིས་པ། ཁོ་བོའི་ཆུང་མ་གང་དུ་སོང་། དེས་འདི་སྐད་ཅེས་སྨྲས་སོ། །སྦོམ་དགའ་མོས་རབ་ཏུ་ཕྱུང་ངོ་། །དེ་ནས་ཁྱིམ་བདག་དེ་སྦོམ་དགའ་མོ་གང་ན་བ་དེར་སོང་སྟེ་ཕྱིན་ནས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ
282a8 བདག་གི་མཆིས་བྲང་འདི་སུས་རབ་ཏུ་ཕྱུང་། སྦོམ་དགའ་མོས་འདི་སྐད་ཅེས་སྨྲས་ཏེ། ཁོ་མོས་སོ། །དེ་ནས་ཁྱིམ་བདག་དེས་འདི་སྐད་ཅེས་འཕགས་མ་ཁྱོད་ཁྱིམ་ཐབ་ཀྱིས་མ་གནང་བ་རབ་ཏུ་འབྱིན་པར་མཛད་པར་རིགས
iiif viewer powered by OpenSeadragon
