| e-texts navigator |
| Wylie |
281b1 བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་རང་གིས་སམ། གཞན་གྱིས་སྨྲས་པར་གྱུར་པའོ། །ཆོས་དྲུག་དང་རྗེས་སུ་འཐུན་པའི་ཆོས་དྲུག་ཅེས་བྱ་བ་ནི་ཇི་སྐད་བསྟན་པ་ཡིན་ནོ། །
281b2 ལོ་གཉིས་སུ་མ་བསླབས་པར་ཞེས་བྱ་བ་ནི་དགེ་སློབ་མར་འགྱུར་བའི་བསླབ་པ་འདི་ལའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ལོ་གཉིས་སུ་ཆོས
281b3 དྲུག་དང་། རྗེས་སུ་འཐུན་པའི་ཆོས་དྲུག་གི་བསླབ་པའི་སྡོམ་པ་མ་གསོལ་བར་བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་བདུན་པའི་ཚིགས་སུ་བཅད་པའི་སྡོམ་རྫོགས་སྷོ།། །།
281b4 བསྡུས་པའི་སྡོམ་ལ། བསླབ་པ་དང་ནི་ལོ་རེ་དང་། །ཚོགས་དང་སྨེ་གབ་ཀྱི་ལྔ་དང་། །ཉེར་ཞི་ཁྱིམ་གྱི་གོ་རེ་ལོང་། །དཔུང་པ་དང་ནི་ཁྱིམ་པ་མོ། །སྐབས་མ་ཕྱེ་བར་འདྲི་བ་དང་། །བཤང་བར་གཅིག་པུ་འགྲོ་མི་བྱ། །སྡོམ
281b5 ལ། ཆོས་དྲུག་དང་ནི་བསླབས་པ་དང་། །ཁྱིམ་ཐབ་ཀྱིས་ནི་མ་གནང་དང་། །གལ་ཏེ་བདག་ལ་གོས་བྱིན་དང་། །ཕྱི་ནས་ཁྱོད་དགའ་མ་ཡིན་ནོ། །གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོས་ལྷན་ཅིག་གནས་པ་དང་།
281b6 ཉེ་གནས་དག་ལོ་གཉིས་སུ་ཆོས་དྲུག་དང་། རྗེས་སུ་འཐུན་པའི་ཆོས་དྲུག་ལ་བསླབས་ནས་དེས་དེ་དག་བསྙེན་པར་རྫོགས་པར་མི་བྱེད་པ་དང་། དེ་ལ་དགེ་སློང་མ་རྣམས་ཀྱིས་སྨྲས་པ། འཕགས་མ་ཁྱོད་ཀྱིས
281b7 བསླབས་ནས་ཅིའི་ཕྱིར་བསྙེན་པར་རྫོགས་པར་མི་བྱེད། དེས་འདི་སྐད་ཅེས་འདི་དག་ཁོ་མོ་ལ་འདི་སྐད་ཅེས་སྦོམ་དགའ་མོ་ནི་མ་བསླབས་པར་བསྙེན་པར་རྫོགས་པར་བྱེད་དོ་ཞེས་ཟེར་བས་ཁོ་མོ་འདི་སྙམ་དུ་རེ་ཤིག་ཤིན་ཏུ
281b8 སློབ་པ་ལ་རག་གོ་སྙམ་དུ་སེམས་སོ་ཞེས་སྨྲས་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང
iiif viewer powered by OpenSeadragon
