| e-texts navigator |
| Wylie |
279b1 པའི་སྡོམ་པ་མ་གསོལ་བར་བསྙེན་པར་རྫོགས་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །གཞོན་ནུ་མ་ཞེས་བྱ་བ་ནི་གཞོན་ནུ་མ་རབ་ཏུ་བྱུང་བའོ། །ལོ་ཉི་ཤུ་ལོན་པ་ཞེས་བྱ་བ་ནི་གང་གིས་ལོ་ཉི་ཤུར་ཚང་བར
279b2 གྱུར་པའོ། །ཚངས་པར་སྤྱད་པ་ཉེ་བར་གནས་པའི་སྡོམ་པ་ཞེས་བྱ་བ་ནི་གསོལ་བ་དང་གཉིས་ཀྱི་ལས་ཀྱིས་སོ། །མ་གསོལ་བར་ཞེས་བྱ་བ་ནི་དགེ་འདུན་ལས་སོ། །བསྙེན་པར་རྫོགས་པར་བྱེད་ན་ཞེས་བྱ་བ་ནི་གསོལ་བ་དང
279b3 བཞིའི་ལས་ཀྱིས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཞོན་ནུ་མ་ལོ་ཉི་ཤུ་ལོན་པ་ཚངས་པར་སྤྱད་པ་ཉེ་བར་གནས་པའི་སྡོམ་པ་མ་གསོལ་བར
279b4 དགེ་སློང་མའི་དངོས་པོར་བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་བདུན་པའི་གཉིས་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ
279b5 སྔ་དྲོ་ཤམ་ཐབས་བགོས་ནས་སྤྱོད་ཡུལ་དུ་ཞུགས་པ་ན་སྦོམ་དགའ་མོས་ལམ་པོ་ཆེ་ཞིག་ན་བུད་མེད་གཅིག་བུད་མེད་དག་གཅིག་དང་ལྷན་ཅིག་ཐབ་མོ་བྱུང་བ་མཐོང་ཞིང་། སྦོམ་དགའ་མོས་བུད་མེད་དེ་ཁྲོས་པས་སྐྲ་འགྲེང་བར
279b6 གྱུར་པ་མཐོང་ངོ་། །དེ་ནས་སྦོམ་དགའ་མོས་འདི་སྙམ་དུ་བསམས་ཏེ། གང་གི་ཚེ་བདག་ཐབ་མོ་འགྱེད་པའི་གྲོགས་སུ་འགྱུར་བའི་གྲོགས་མོ་ཞིག་བདག་གིས་རྙེད་དོ་སྙམ་དུ་བསམས་ནས། སྦོམ་དགའ་མོས་བུད་མེད་དེ་ལ
279b7 འདི་སྐད་ཅེས་སྨྲས་སོ། །ཕུ་ནུ་མོ་ཁྱོད་ཅིའི་ཕྱིར་རབ་ཏུ་མི་འབྱུང་། དེས་འདི་སྐད་ཅེས་སྨྲས་སོ། །བདག་ནི་ཤིན་དུ་གཏུམ་མོ་ལགས་ན་སུ་ཞིག་གིས་བདག་རབ་ཏུ་འབྱིན་པར་འགྱུར། དེ་ནས་སྦོམ་དགའ་མོས་འདི་སྐད་ཅེས
279b8 སྨྲས་སོ། །ཁོ་མོས་ཁྱོད་རབ་ཏུ་དབྱུང་ངོ་ཞེས་དེས་དེ་རབ་ཏུ་ཕྱུང་བསྙེན་པར་རྫོགས་པར་བྱས་སོ། །དེ་ནས་སྦོམ་དགའ་མོ་དུས་གཞན་ཞིག་ན་དགེ་སློང་མ་རྣམས་དང་ལྷན་ཅིག་ཐབ་མོ་བྱུང་བ་ནི་དེའི་གྲོགས་མོ་དེ་ཡང
iiif viewer powered by OpenSeadragon
