| e-texts navigator |
| Wylie |
278a1 བྱ་བ་ནི་སྦོམ་དགའ་མོའོ། །ལོ་ཉི་ཤུ་མ་ལོན་པར་ཞེས་བྱ་བར་ནི་གང་གི་ལོ་ཉི་ཤུར་མ་ཚང་བའོ། །བསྙེན་པར་རྫོགས་པར་བྱེད་ན་ཞེས་བྱ་བ་ནི་གསོལ་བ་དང་བཞིའི་ལས་ཀྱིས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ
278a2 ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་གཞོན་ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་པར་བྱེད་ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་བདུན་པའི་དང་པོ་རྫོགས་སྷོ།། །། གླེང་གཞི་ནི་མཉན
278a3 ཡོད་ནའོ། །དེ་ནས་དགེ་སློང་མ་དེ་དག་གིས་དགེ་སློང་དེ་དག་ལ་འདི་སྐད་ཅེས་ཁྱེད་ཀྱང་ལོ་ཉི་ཤུ་ལོན་ནས་བསྙེན་པར་རྫོགས་པར་མཛད་ན། བདག་ཅག་ཀྱང་ལོ་ཉི་ཤུ་ལོན་ནས་བསྙེན་པར་རྫོགས་པར་བགྱིད་པ་མ་ལགས་སམ། འདི་ལ
278a4 ཁྱེད་དང་བདག་ཅག་ཁྱད་པར་ནི་ཅི་མཆིས། བསམ་པ་ནི་ཅི་མཆིས། ཐ་དད་དུ་བགྱི་བ་ནི་ཅི་མཆིས་ཤེས་སྨྲ་བའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས
278a5 སུ་གནང་སྟེ། གཞོན་ནུ་མ་ལོ་ཉི་ཤུ་ལོན་ན་ལོ་གཉིས་སུ་ཆོས་དྲུག་དང་། རྗེས་སུ་འཐུན་པའི་ཆོས་དྲུག་གི་བསླབ་པའི་སྡོམ་པ་བྱིན་ཅིག་།གང་གི་ཚེ་བཅོམ་ལྡན་འདས་ཀྱིས་གཞོན་ནུ་མ་ལོ་ཉི་ཤུ་ལོན་ན་ལོ་གཉིས་སུ་ཆོས
278a6 དྲུག་དང་། རྗེས་སུ་འཐུན་པའི་ཆོས་དྲུག་གི་བསླབ་པའི་སྡོམ་པ་བྱིན་ཅིག་ཅེས་གསུངས་པ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཐོས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས
278a7 གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་སྐྱེ་དགུའི་བདག་མོ་ཆེན་མོ་གཽ་ཏ་མི་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར
278a8 མཛད་ཅེས་བྱ་བ་ནས། ཅང་མི་གསུང་ངོ་ཞེས་བྱ་བའི་བར་རོ། །དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱིས་བཅོམ་ལྡན་འདས་ཀྱིས་བཀའ་སྩལ་པའི་རྗེས་ཆད་པར་རིག་ནས་སྟན་ལས་ལངས་ཏེ། བླ་གོས་ཕྲག་པ
iiif viewer powered by OpenSeadragon
