| e-texts navigator |
| Wylie |
277b1 བདག་གི་སྡུམ་ཐབ་མཆིས་ཀྱིས་རེ་ཤིག་བདག་ཕྱོགས་གཞན་ཞིག་ཏུ་བཀར་དུ་གསོལ། དེས་མ་བཀར་བ་དང་། དེ་ནས་ཁྱིམ་ཐབ་དེ་འོངས་ནས་བཟུང་སྟེ་འདི་སྐད་ཅེས་སྨྲས་སོ། །འདི་སུས་གནང་སྟེ་རབ་ཏུ་ཕྱུང
277b2 དེས་དེ་ཉིད་དུ་འཕགས་མ་ཁྱོད་ཀྱིས་བདག་བཀར་བར་གྱུར་ན་སྡུམ་ཐབ་ཀྱིས་བདག་ཟིན་པར་མི་འགྱུར་བ་ཞིག་ཅེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །
277b3 དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་རབ་ཏུ་ཕྱུང་ནས་མ་བཀར་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །རབ་ཏུ་བྱུང་ནས
277b4 ཤེས་བྱ་བ་ནི་ཆོས་འདུལ་བ་འདི་ལའོ། །མ་བཀར་ན་ཞེས་བྱ་བ་ནི་གནས་གཞན་དུའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཁོར་དུ་བཞག་སྟེ་མ་བཀར
277b5 ན་ཐམས་ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅུ་དྲུག་པའི་ཚིགས་སུ་བཅད་པའི་སྡོམ་རྫོགས་སྷོ།། །། སྡོམ་ལ། ལོ་ནི་ཉི་ཤུར་མ་ལོན་དང་། །ལོན་ཡང་གསོལ་བ་མ་བྱས་དང་། །གཏུམ་མོ་མྱ་ངན་གྱིས་གདུངས
277b6 དང་། །ཆོས་དྲུག་དག་ལ་མ་བསླབས་པའོ། །གླེང་གཞི་ནི་མཉན་ཡོད་ནའོ། །དེ་ནས་དགེ་སློང་མ་རྣམས་ཀྱིས་གཞོན་ནུ་མ་ལོ་ཉི་ཤུ་མ་ལོན་པ་དག་བསྙེན་པར་རྫོགས་པར་བྱེད་ནས་བཅོམ་ལྡན་འདས་ཀྱིས་བཀའ་སྩལ་པ། གཞོན
277b7 ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་པར་མི་བྱའོ། །དེ་ནས་སྦོམ་དགའ་མོས་ལོ་ཉི་ཤུ་མ་ལོན་པ་དག་བསྙེན་པར་རྫོགས་པར་བྱེད་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ
277b8 གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གཞོན་ནུ་མ་ལོ་ཉི་ཤུ་མ་ལོན་པ་བསྙེན་པར་རྫོགས་པར་བྱེད་ན་ལྟུང་བྱེད་དོ། །ཡང་གང་ཞེས
iiif viewer powered by OpenSeadragon
