| e-texts navigator |
| Wylie |
272b1 མའི་དངོས་པོར་རོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། ཡང་དགེ་སློང་མས་ཇི་ཙམ་ཅུང་ཟད་ལོ་བཅུ་གཉིས་མ་ལོན་པར་བསྙེན་པར་རྫོགས་པར་བྱེད་ན་ལྟུང་བྱེད་དོ། །ལྟུང་བྱེད་བཅཝ་ལྔ་པའི
272b2 གསུམ་པ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །གང་གི་ཚེ་སྐྱེས་བུ་གཏི་མུག་ཅན་འཕགས་སྐྱེས་པོ་མི་དགེ་བའི་བཤེས་གཉེན་སྡུག་བསྔལ་གྱི་མ་མོ་ལ་བརྟེན་ནས་ཤཱཀྱ་རྣམས་ཁ་བཏག་པ་དེའི་ཚེ་ཤཱཀྱ་མོ་རབ་ཏུ
272b3 མང་པོ་དག་ཁྱིམ་ཐབ་དང་བུའི་མྱ་ངན་གྱིས་གདུངས་ནས་རབ་ཏུ་བྱུང་ངོ་། །གང་གི་ཚེ་ཁྱིམ་ཐབ་དང་བུའི་མྱ་ངན་གྱིས་གདུངས་ནས་རབ་ཏུ་བྱུང་བ་དེའི་ཚེ་དེ་དག་ཉོན་མོངས་པས་མ་གདུངས་སོ། །གང་གི་ཚེ་དེ་དག་མྱ་ངན་སངས་པ་དེའི་ཚེ་དེ་དག་ཉོན
272b4 མོངས་པས་གདུངས་པར་གྱུར་ཏོ། །དེ་ནས་ཤཱཀྱ་མོ་རྣམས་ཀྱིས་སྐབས་དེ་སྦོམ་དགའ་མོ་ལ་སྨྲས་པ་དང་། སྦོམ་དགའ་མོས་འདི་སྐད་ཅེས་ཁོ་མོ་ནི་ད་རྒས་པའི་གནས་སྐབས་ལ་བབ་པས་ཅི་བྱར་ཡོད། ཁྱེད་ཅག་ནི་གཟུགས་བཟང་བ།
272b5 བལྟ་ན་སྡུག་པ། མཛེས་པ་ཡིན་གྱིས་ད་སོ་སོར་ཤེས་པར་གྱིས་ལ་ནོར་ཅན་ནམ། ཚོང་དཔོན་ནམ། དེད་དཔོན་དག་དང་ལྷན་ཅིག་རྩེ་བར་གྱིས་ཤིག་།དགའ་བར་གྱིས་ཤིག་།དགའ་མགུར་སྤྱོད་པར་གྱིས་ཤིག་ཅེས་སྨྲས་སོ། །ཇི་ཙམ
272b6 ན་གཽ་ཏ་མི་སྐེམ་མོའི་དྲུང་དུ་སོང་ནས། དེ་དག་གིས་གཽ་ཏ་མི་སྐེམ་མོ་ལ་སྦོམ་དགའ་མོས་བསྟན་པ་དག་རྒྱས་པར་སྨྲས་པ་དང་། དེས་འདི་སྐད་ཅེས་སྨྲས་སོ། །ཕུ་ནུ་མོ་དག་རེ་ཤིག་འཇིག་རྟེན་ཕ་རོལ་གྱི་སྡུག་བསྔལ་ལྟ་ཞོག
272b7 གི། ཁོ་མོས་འཇིག་རྟེན་འདིར་སྡུག་བསྔལ་ཉམས་སུ་མྱོང་བ་གང་ཡིན་པ་དེ་ཉོན་ཅིག་།ཁྱིམ་ཐབ་ཤི་བ་དང་། བུ་དང་བྲལ་བ་དང་། ཕ་དང་མ་ཐོག་གིས་བསད་པ་དང་། བུའི་ཤ་ཟོས་པ་དང་། དུར་དུ་བཅུག་པ་དང་། སེམས
272b8 འཁྲུགས་པ་དང་། སྒྲེན་མོར་འཕྱན་པ་སྟེ། འདི་དག་དང་གཞན་ཡང་འཇིག་རྟེན་འདི་ཁོ་ན་ལ་སྡུག་བསྔལ་ཁོ་ན་ཉམས་སུ་མྱོང་ན་འཇིག་རྟེན་ཕ་རོལ་ལྟ་སྨོས་ཀྱང་ཅི་དགོས། ཕུ་ནུ་མོ་དག་དེ་ལྟ་བུ་མ་བྱེད་ཅིག་ཅེས་གཽ་ཏ་མི
iiif viewer powered by OpenSeadragon
