| e-texts navigator |
| Wylie |
272a1 ཅད་དུ་ལྟུང་བྱེད་དུ་འགྱུར་རོ། །ལྟུང་བྱེད་བཅཝ་ལྔ་པའི་གཉིས་པ་རྫོགས་སྷོ།། གླེང་གཞི་ནི་མཉན་ཡོད་ནའོ། །དེ་ནས་ཁྱིམ་སོ་བཟུང་བ་ལོ་བཅུ་གཉིས་ལོན་པ་དག་འོངས་པ་དང་རབ་ཏུ་བྱུང་ནས་དེ་དག་ལོ་ཉི་ཤུའི
272a2 པར་དུ་བཞག་པ་ལས། དེ་དག་གིས་འདི་སྐད་ཅེས་སྨྲས་སོ། །བདག་ཅག་ཅིའི་སླད་དུ་བསྙེན་པར་རྫོགས་པར་མི་བགྱི། དགེ་སློང་མ་རྣམས་ཀྱིས་འདི་སྐད་ཅེས་སྨྲས་སོ། །ད་དུང་ཁྱོད་ཀྱིས་མ་གོམས་སོ། །དེ་དག་གིས་འདི་སྐད་ཅེས
272a3 འཕགས་མ་དག་བདག་ཅག་སྡུམ་པ་ན་མཆིས་པ་ན་སྡུམ་ཐབ་ཀྱི་སེམས་གཟུང་བ་དང་། ཁྱིམ་གྱི་ནང་མིའི་སེམས་གཟུང་བ་དང་། དེ་བཞིན་དུ་ཁྱིམ་གྱི་བགྱི་བ་མང་པོ་དག་བགྱིས་ན་ད་བདག་ཅག་གིས་དགེ་སློང་མའི་དགེ་འདུན་གྱི་ཐུགས
272a4 མཉེས་པར་མི་འགྱུར་རམ་ཞེས་སྨྲས་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། ཁྱིམ་སོ་བཟུང་བ་ལོ་བཅུ་གཉིས་ལོན་པ
272a5 ཡིན་ན་དེ་བསྙེན་པར་རྫོགས་པར་བྱའོ། །གང་གི་ཚེ་བཅོམ་ལྡན་འདས་ཀྱིས་ཁྱིམ་སོ་བཟུང་བ་ལོ་བཅུ་གཉིས་ལོན་པ་ཡིན་ན་བསྙེན་པར་རྫོགས་པར་བྱའོ་ཞེས་བཀའ་སྩལ་པ་དེའི་ཚེ་སྦོམ་དགའ་མོས་ལོ་བཅུ་གཉིས་མ་ལོན་པ་དག་བསྙེན་པར
272a6 རྫོགས་པར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ
272a7 སློང་མ་གང་ཤེས་བཞིན་དུ་ཁྱིམ་སོ་བཟུང་བ་ལོ་བཅུ་གཉིས་སུ་མ་ལོན་པ་བསྙེན་པར་རྫོགས་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །ཤེས་བཞིན་དུ་ཞེས་བྱ་བ་ནི་རང་ཉིད་ཀྱིས་སམ། གཞན་གྱིས
272a8 སྨྲས་པར་གྱུར་པའོ། །ཁྱིམ་སོ་བཟུང་བ་ཞེས་བྱ་བ་ནི་ཁྱིམ་གྱི་ཆོས་ལ་ལོ་བཅུ་གཉིས་སུ་གནས་པའོ། །ལོ་བཅུ་གཉིས་མ་ལོན་པ་ཞེས་བྱ་བ་ནི་ལོ་བཅུ་གཅིག་ལོན་པའོ། །བསྙེན་པར་རྫོགས་པར་བྱེད་ན་ཞེས་བྱ་བ་ནི་དགེ་སློང
iiif viewer powered by OpenSeadragon
