| e-texts navigator |
| Wylie |
271b1 གསོལ་བའོ། །ལས་ནི་འདི་ལྟར་བྱ་སྟེ། འཕགས་མའི་དགེ་འདུན་ཕུ་ནུ་མོ་དག་བདག་ལ་གསན་དུ་གསོལ། དགེ་སློང་མ་མིང་འདི་ཞེས་བགྱི་བ་འདི་འཕགས་མའི་དགེ་འདུན་གྱི་སྤྱན་སྔར་མཆིས་ནས་འཁོར་གཞག་པའི་སྡོམ་པ
271b2 གསོལ་ནས། འཕགས་མའི་དགེ་འདུན་གྱིས་དགེ་སློང་མ་མིང་འདི་ཞེས་བགྱི་བ་ལ་འཁོར་གཞག་པའི་སྡོམ་པ་སྩོལ་བར་མཛད་ན། འཕགས་མའི་དགེ་འདུན་གྱིས་དགེ་སློང་མ་མིང་འདི་ཞེས་བགྱི་བ་ལ་འཁོར་གཞག་པའི་སྡོམ
271b3 པ་སྩོལ་པར་བཟོད་པ་གང་དག་ལགས་པ་དེ་དག་ནི་ཅང་མ་གསུང་ཤིག་། གང་དག་མི་བཟོད་པ་དེ་དག་ནི་གསུངས་ཤིག་།འཕགས་མའི་དགེ་འདུན་གྱིས་བཟོད་ཅིང་གནང་ནས། འཕགས་མའི་དགེ་འདུན་གྱིས་དགེ་སློང་མ
271b4 མིང་འདི་ཞེས་བགྱི་བ་ལ་འཁོར་གཞག་པའི་སྡོམ་པ་སྩལ་ལགས་ཏེ། འདི་ལྟར་ཅང་མི་གསུང་བས་དེ་དེ་བཞིན་དུ་འཛིན་ཏོ། །དེ་ནས་སྦོམ་དགའ་མོ་དགེ་འདུན་གྱིས་མ་གནང་བཞིན་དུ་འཁོར་འཇོག་པར་བྱེད་པ
271b5 ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ
271b6 གང་དགེ་འདུན་ལས་དགེ་སློང་མའི་འཁོར་གཞག་པའི་སྡོམ་པ་མ་གསོལ་བར་འཁོར་འཇོག་པར་བྱེད་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །དགེ་འདུན་གྱིས་ཞེས་བྱ་བ་ནི་དེ་བཞིན་གཤེགས་པའི་ཉན་ཐོས
271b7 མའི་དགེ་འདུན་གྱིས་སོ། །འཁོར་འཇོག་པའི་སྡོམ་པ་ཞེས་བྱ་བ་ནི་གསོལ་བ་དང་གཉིས་ཀྱི་ལས་ཀྱིས་སོ། །མ་གསོལ་བར་ཞེས་བྱ་བ་ནི་མ་བླངས་པར་རོ། །འཁོར་འཇོག་པར་བྱེད་ན་ཞེས་བྱ་བ་ནི་རབ་ཏུ་དབྱུང་བ་འམ། བསྙེན་པར
271b8 རྫོགས་པ་འམ། གནས་སྦྱིན་པར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཁོར་གཞག་པའི་སྡོམ་པ་མ་གསོལ་པར་འཁོར་འཇོག་པར་བྱེད་ན་ཐམས
iiif viewer powered by OpenSeadragon
