| e-texts navigator |
| Wylie |
269b1 པ་དང་བཅས་པའི་ཡུལ་འཁོར་དུ་འདོང་བར་མི་བྱའོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དོགས་པ་དང་བཅས་པའི་ལམ་ནས་ནང་གི་ཡུལ
269b2 འཁོར་དུ་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་ཆོས་འདི་པའོ། །དོགས་པ་དང་བཅས་པའི་ལམ་ཞེས་བྱ་བ་ནི་འཇིགས་པ་དང་བཅས་པར་གྲགས་པའོ། །ནང་གི་ཡུལ་འཁོར་ཞེས་བྱ་བ་ནི་ཕན་ཚུན་མི་མཐུན་པའི་འོ། །
269b3 འགྲོ་ན་ཞེས་བྱ་བ་ནི་རྒྱུ་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཕན་ཚུན་མི་མཐུན་པའི་ཡུལ་འཁོར་གཉིས་སུ་རྒྱུ་ཞིང་འགྲོ་ན་ལྟུང་བྱེད་དོ། །ལྟུང
269b4 བྱེད་བཅུ་བཞི་པའི་གསུམ་པ་རྫོགས་སྷོ། ། །། གླེང་གཞི་ནི་ཡངས་པ་ཅན་ནའོ། །ཡངས་པ་ཅན་པ་དག་གིས་སུ་ཡང་རྒྱལ་པོའི་ཁབ་ཏུ་མ་འགྲོ་ཤིག་ཅེས་དྲིལ་བསྒྲགས་པ་བྱས་སོ་ཞེས་བྱ་བ་ནས། བསླབ་པ
269b5 བཅའ་བའི་བར་དུ་མཛད་དེ། ཡང་དགེ་སློང་མ་གང་དོགས་པ་དང་བཅས་པའི་ལམ་ནས་ཕྱི་རོལ་གྱི་ཡུལ་འཁོར་དུ་རྒྱུ་ཞིང་འགྲོ་ན་ལྟུང་བྱེད་དོ། །གཞུང་གོང་མ་ཇི་ལྟ་བ་བཞིན་དུ་ལྟུང་བ་ནི་རྗེས་སུ་འཐུན་པར་བྱའོ། །ལྟུང་བྱེད་བཅུ
269b6 བཞི་པའི་བཞི་པ་རྫོགས་སྷོ། ། །། གླེང་གཞི་ནི་རྒྱལ་པོའི་ཁབ་ནའོ། །དེ་ནས་སྦོམ་དགའ་མོ་ལྷ་ཁང་དུ་སོང་ནས་ལྷ་ཁང་པ་དག་དང་། གཞན་ཡང་རྩོད་པ་དག་དང་ལྷན་ཅིག་ཏུ་རྩོད་པ་བྱེད་ཅིང་། དེའི་འོག་ཏུ་ཉི་མ
269b7 ཡོལ་ནས་དབྱར་ཁང་དུ་འོངས་ཏེ་རྒྱབ་དང་རྐེད་པར་ཚིར་ཅིག་ཅེས་ཟེར་བ་དང་། དེ་དག་གིས་འདི་སྐད་ཅེས་སྨྲས་སོ། །ཁྱོད་གང་དུ་སོང་། དེས་འདི་སྐད་ཅེས་སྨྲས་སོ། །ཁོ་མོས་ལྷ་ཁང་དུ་རྩོད་པ་རྣམས་ཚར་བཅད་དོ། །དེ་དག་གིས
269b8 འདི་སྐད་ཅེས་སྨྲས་སོ། །ཁྱོད་ཀྱི་ཕྱི་བཞིན་འབྲང་བའི་དགེ་སྦྱོང་མ་གང་ཞིག་།དེས་འདི་སྐད་ཅེས་ཁོ་མོ་འབའ་ཞིག་སོང་ངོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས
iiif viewer powered by OpenSeadragon
