| e-texts navigator |
| Wylie |
268b1 དོ། །ཡང་གང་ཞེས་བྱ་བ་ནི་འཆི་ལྟས་མ་དང་། ཉེ་བའི་འཆི་ལྟས་མའོ། །གདིང་བ་ཞེས་བྱ་བ་ནི་སྟེང་རིམ་དུ་གདིང་བའོ། །བར་དུ་མ་བཅད་པར་ཞེས་བྱ་བ་ནི་ལུས་ཀྱིས་ལུས་ཀྱི་རེག་པ་རང་གིར་བྱེད་པའོ། །ཉལ་ན་ཞེས་བྱ་བ་ནི
268b2 མཚན་མོ་གནས་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་དང་ལྷན་ཅིག་གདིང་བ་ལ་བར་དུ་མ་བཅད་པར་ཉལ་ན་ཐམས་ཅད་དུ་ལྟུང་བྱེད་དུ་འགྱུར་ཏེ
268b3 གཞུང་བླ་མ་ལས་ཇི་སྐད་འབྱུང་བ་བཞིན་ནོ། །ལྟུང་བྱེད་བཅུ་གསུམ་པའི་ཚིགས་སུ་བཅད་པའི་སྡོམ་རྫོགས་སྷོ།། །། སྡོམ་ལ། དབྱར་གྱི་ནང་དུ་འགྲོ་མི་བྱ། །དབྱར་རྫོགས་ནས་ནི་འགྲོ་བ་དང་། །དོགས་དང་བཅས་པའི་ཡུལ
268b4 འཁོར་གཉིས། །ལྷ་ཁང་དག་ནི་ཕྱི་མ་ཡིན། །གླེང་གཞི་ནི་མཉན་ཡོད་ནའོ། །དེའི་ཚེ་སྦོམ་དགའ་མོ་འཁོར་དང་བཅས་པ་དབྱར་གྱི་ནང་ལོགས་སུ་རྒྱུ་ཞིང་འདོང་བ་ན་དགེ་སློང་མ་དེ་རྣམས་ལ་དགེ་སློང་མ་རྣམས་ཀྱིས་དྲིས་པ། ཕུ་ནུ་མོ་དག་ཁྱེད
268b5 ཅིའི་ཕྱིར་དབྱར་གྱི་ནང་ལོགས་སུ་རྒྱུ་ཞིང་འདོང་། དེ་དག་གིས་འདི་སྐད་ཅེས་འཕགས་མ་སྦོམ་དགའ་མོ་ན་རེ་ཁོ་མོ་སྡེ་སྣོད་གསུམ་ཤེས་ཀྱིས་འདོང་ངོ་ཞེས་ཟེར་རོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས
268b6 དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དབྱར་གྱི་ནང་ལོགས་སུ་རྒྱུ་ཞིང་འདོང་ན་ལྟུང་བྱེད་དོ། །
268b7 ཡང་གང་ཞེས་བྱ་བ་ནི་སྦོམ་དགའ་མོའོ། །དབྱར་གྱི་ནང་ལོགས་སུ་ཞེས་བྱ་བ་ནི་དགག་དབྱེ་མ་བྱས་པར་རོ། །འདོང་ན་ཞེས་བྱ་བ་ནི་གྲོང་རྡལ་ལམ། གྲོང་ཁྱེར་རམ། ཡུལ་འཁོར་རམ། རྒྱལ་པོའི་ཕོ་བྲང་དག་ཏུ
268b8 འདོང་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དབྱར་གྱི་ནང་ལོགས་སུ་རྒྱུ་ཞིང་འདོང་ན་ལྟུང་བྱེད་དོ། །ལྟུང་བྱེད་བཅུ
iiif viewer powered by OpenSeadragon
