| e-texts navigator |
| Wylie |
262a1 གཅིག་པུ་སྐྱེས་པ་ཅིག་དང་ལྷན་ཅིག་བླ་གབ་མེད་པར་དབེན་པར་འདུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །གཞན་ནི་སྔ་མ་བཞིན་ནོ། །བླ་གབ་མེད་པར་ཞེས་བྱ་བ་ནི་ཐང་ལའོ། །དབེན་པར་འདུག་ན་ཞེས
262a2 བྱ་བ་ནི་གཏམ་ཟེར་ཞིང་སྟེ། ཁྱད་པར་ནི་འདི་ཡོད་དོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ཇི་ཙམ་ཅུང་ཟད་སྐྱེས་པ་དང་ལྷན་ཅིག་བླ་གབ་མེད་པར་འདུག་ན་ཐམས་ཅད་དུ
262a3 ལྟུང་བྱེད་དུ་འགྱུར་རོ། །གྲོགས་ཡོད་ན་ལྟུང་བ་མེད་དོ། །ལྟུང་བྱེད་བཅུ་པའི་གསུམ་པ་རྫོགས་སྷོ།། །། དེ་བཞིན་དུ་སྦེད་མ་དང་། འཆར་ཀ་དབེན་པ་བླ་གབ་མེད་པ་ན་འདུག་ནས་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ།
262a4 ཡང་དགེ་སློང་མ་གང་གཅིག་པུ་དགེ་སློང་གཅིག་དང་ལྷན་ཅིག་བླ་གབ་མེད་པར་དབེན་པར་འདུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦེད་མའོ། །དགེ་སློང་ནི་འཆར་ཀའོ། །གཞན་ནི་གོང་ནས་འབྱུང་བ་བཞིན་ནོ། །ལྟུང་བྱེད་དོ་ཞེས
262a5 བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཅེས་བྱ་བ་སྔ་མ་བཞིན་ནོ། །གྲོགས་ཡོད་ན་ལྟུང་བ་མེད་དོ། །ལྟུང་བྱེད་བཅུ་པའི་བཞི་པ་རྫོགས་སྷོ།། །། གླེང་གཞི་ནི་མཉན་ཡོད
262a6 ནའོ། །སྦོམ་དགའ་མོས་སྐྱེས་པ་ཞིག་ལ་བརྡ་བྱས་པ་དང་། དེས་འདི་སྐད་ཅེས་སྨྲས་སོ། །འཕགས་མ་ཁྱོད་ནི་རབ་ཏུ་བྱུང་བ་ལགས་ལ། བདག་ཀྱང་ཁྱིམ་པའི་ནང་དུ་དགེ་བསྙེན་ལགས་ཏེ་གལ་ཏེ་འགའ་ཞིག་གིས་ཤེས་པར་གྱུར་ན
262a7 གཉིས་ཀ་སྨོད་པར་འགྱུར་རོ། །དེས་འདི་སྐད་ཅེས་སྨྲས་སོ། །ཁྱོད་ཇི་སྙམ་དུ་སེམས། དུང་དང་། རྔ་པ་ཏ་ཧ་འབུད་ཅིང་འོང་དགོས་སམ། དེ་ལྟ་མོད་ཀྱི་དབྱར་ཁང་གི་གནས་ཁང་དུ་ཤོག་ཤིག་།ཅི་ཙམ་ན་སྐྱེས་པ་དེ་གནས་ཁང་དུ་འོངས་སོ། །དེ་ནས
262a8 སྦོམ་དགའ་མོས་སྐྱེས་པ་དེ་སྐྱབས་ཡོད་པར་ཁྲི་སྟེང་དུ་འདུག་ཏུ་བཅུག་ནས་འདི་སྐད་ཅེས་སྨྲས་སོ། །ཁོ་མོ་མཁན་མོའི་ཞབས་བཀྲུ་བའི་ཆེད་དུ་ལྟ་ཞིང་འགྲོའོ་ཞེས་སྨྲས་ནས་སོང་ངོ་། །དེས་ཀྱང་མཁན་མོ་ལ་ཞུས་ནས། ལུང་ཡང་མནོས། གཞོན
iiif viewer powered by OpenSeadragon
