| e-texts navigator |
| Wylie |
261a1 ཤིས་པ་དགའ་བར་བྱེད་པ་ཡིན་པས། དེ་ལ་ཁོ་བོ་དེ་རིང་བསྐོན་པ་རས་ཡུག་པོ་ཆེ་འབུལ་ན་དགེ་སློང་མ་དེ་གང་ལགས། དེ་ནས་སྦོམ་དགའ་མོས་འདི་སྐད་ཅེས། ཁོ་མོ་ཡིན་ནོ་ཞེས་སྨྲས་པ་དང་། དེས་དེ་ལ་རས་ཡུག་པོ་ཆེ་ཅིག
261a2 བསྐོན་ནོ། །ཇི་ཙམ་ན་སྦོམ་དགའ་མོ་དགེ་སློང་མ་རྣམས་དང་ལྷན་ཅིག་ཐབ་མོ་བྱུང་བ་དེའི་ཚེ་དེ་ན་རེ་ངན་སྐྱུགས་ཀྱང་ཁྱེད་དང་མི་མཚུངས་སོ་ཞེས་སྨྲས་པ་ནས། བཅོམ་ལྡན་འདས་ཀྱིས་བཀའ་སྩལ་པ། མ་བརྟགས་པར་དོར་བར་མི་བྱའོ། །འདོར་ན
261a3 ད་ལྟུང་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་མ་བརྟགས་པར་བཤང་བ་དང་། གཅི་བ་འདོར་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །
261a4 མ་བརྟགས་པར་ཞེས་བྱ་བ་ནི་བརྟགས་པ་མ་བྱས་པར་རོ། །བཤང་བ་འམ། གཅི་བ་འདོར་ན་ཞེས་བྱ་བ་ནི་འདོར་བར་བྱེད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་མ་བརྟགས
261a5 པར་བཤང་བ་འམ། གཅི་བ་འདོར་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་ཁང་སྟོང་ངམ་རྩིག་པ་རལ་པ་ཡིན་ན་ལྟུང་བ་མེད་དོ། །ལྟུང་བྱེད་དགུ་པའི་ཚིགས་སུ་བཅད་པའི་སྡོམ་རྫོགས་སྷོ།། །། སྡོམ་ནི། སྐྱབས་ཡོད་པར་ནི་སྐྱེས
261a6 པ་དང་། དགེ་སློང་མ་དང་འདུག་མི་བྱ། །བླ་གབ་མེད་པར་སྐྱེས་པ་དང་། །དགེ་སློང་གཉིས་ནི་མ་ཡིན་དང་། །འབའ་ཤིག་གནས་པར་མི་བྱའོ། །གླེང་གཞི་ནི་མཉན་ཡོད་ནའོ། །དེ་ནས་སྦོམ་དགའ་མོ་སྐྱེས་པ་དང་ལྷན་ཅིག་སྐྱབས་ཡོད་པ་ན་གཏམ་བྱེད་པ་དང
261a7 བྲམ་ཟེ་དང་། ཁྱིམ་བདག་གི་ཆུང་མ་རྣམས་ཀྱིས་འདི་སྐད་ཅེས་དེ་ལྟར་བརྡ་བྱས་ནས་མཚན་མོ་ཉེས་པར་སྤྱད་པ་སྤྱོད་པར་འགྱུར་རོ་ཞེས་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ
261a8 ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་གཅིག་པུ་སྐྱེས་པ་དང་ལྷན་ཅིག་དབེན་པ་སྐྱབས་ཡོད་པ་ན་འདུག་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །
iiif viewer powered by OpenSeadragon
