| e-texts navigator |
| Wylie |
260a1 གཏོར་ཞེས་བྱ་བ་ནས་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང
260a2 དགེ་སློང་མ་གང་ཆུས་འཐོར་ན་ལྟུང་བྱེད་དོ། །ཡང་གང་ཞེས་བྱ་བ་ནི་ཆོས་འདི་པའོ། །འཁོར་གྱི་གཙོ་བོ་ཞེས་བྱ་བ་ནི་འཁོར་གྱི་མཆོག་གོ། །ཆུས་འཐོར་ན་ཞེས་བྱ་བ་ནི་ཆུས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །
260a3 དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་འཁོར་གྱི་གཙོ་བོ་ལ་ཆུས་གཏོར་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་བརྒྱལ་བ་ལ་གདོང་དུ་ཆུ་ལྕག་གིས་འཐོར་བ་ལ་ནི་ལྟུང་བ་མེད་དོ། །ལྟུང་བྱེད་དགུ
260a4 པའི་གཉིས་པ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །དེ་ནས་དབྱར་ཁང་དང་མི་རིང་བ་ཞིག་ན་ནེའུ་བསིང་སྔོན་པོ་ཞིག་ཡོད་པ་དེ་ན་བྲམ་ཟེ་ཞིག་བྲམ་ཟེའི་ཁྱེའུ་ལྔ་བརྒྱ་ལ་བྲམ་ཟེའི་གསང་ཚིག་ཀློག་ཏུ་འཇུག་གོ། །དེ་ནས
260a5 བྲམ་ཟེའི་ཁྱེའུ་དེ་རྣམས་ཀྱིས་སྦོམ་དགའ་མོ་སྤྱོད་ཡུལ་དུ་འཇུག་པ་མཐོང་ནས་ཐོ་བརྩམས་སོ། །ཇི་ཙམ་ན་སྦོམ་དགའ་མོས་འཁྲུ་བར་འགྱུར་བའི་སྨན་ཟོས་པས་དེ་མང་དུ་འཁྲུས་ནས་འཁྲུས་པ་དེ་ཕྱགས་ཏེ་ནེའུ་བསིང་སྔོན་པོའི
260a6 སྟེང་དུ་སོང་ནས་དེས་འཁྲུ་བས་ནེའུ་བསིང་སྔོན་པོ་ཐམས་ཅད་སྦགས་སོ། །དེ་ནས་ཡང་བྲམ་ཟེའི་ཁྱེའུ་རྣམས་ལྷགས་ནས་འདུག་སྟེ། དེ་དག་འདི་སྐད་ཅེས་ཀུད་སའི་བུ་དག་།བད་སའི་བུ་དག་།བྷ་ར་དྭ་ཛའི་བུ་དག་ངན་སྐྱུགས་ཀྱི་དྲི
260a7 མནམ་མོ་ཞེས་སྨྲས་པ་ལས། ཇི་ཙམ་ན་དེ་དག་གི་ལག་པ་དང་། རྐང་པ་དང་། གོས་རྣམས་ངན་སྐྱུགས་ཀྱིས་འབགས་པར་གྱུར་ཏོ། །བྲམ་ཟེ་རྣམས་ནི་གཙང་སྦྲ་འདོད་པ་ཡིན་པས་དེ་ནས་བྲམ་ཟེའི་བུ་དེ་རྣམས་ཡིད་མི་བདེ་ཞིང་འདུག་གོ། །
260a8 དེ་ནས་ཡང་སྦོམ་དགའ་མོ་བསོད་སྙོམས་ལས་སླར་ལོག་པ་ན་བྲམ་ཟེའི་ཁྱེའུ་དེ་རྣམས་ཡིད་མི་བདེ་ཞིང་འདུག་པ་མཐོང་ནས་འདི་སྐད་ཅེས་སྨྲས་སོ། །ཀྱེ་བྲམ་ཟེའི་ཁྱེའུ་དག་ཅི་མང་དུ་གདོན་པར་བྱས་སམ། ཇི་ཙམ་ན་རྒོད་ནས་འདི་སྐད་ཅེས
iiif viewer powered by OpenSeadragon
