| e-texts navigator |
| Wylie |
25b1 @#། །རྒྱ་གར་སྐད་དུ། བྷིཀྵུ་ཎཱི་བི་ན་ཡ་བི་བྷང་ག་། བོད་སྐད་དུ། དགེ་སློང་མའི་འདུལ་བ་རྣམ་པར་འབྱེད་པ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། །རྒྱལ་པོ་དུལ་བ་རྗེ་ཡི་རིགས་སུ་འཁྲུངས། །སློབ་མ་དུལ་མཛད་ཉེས་པ་རབ་ཐུལ་བ། །སངས་རྒྱས་འདུལ་བའི་གཙོ་དང་ཆགས་བྲལ་ཆོས། །རྡུལ་དང་བྲལ་བའི་ཚོགས་ལ་ཕྱག་འཚལ་ཏེ། ། དགེ་སློང་མ་ཡི་སོ་སོར་ཐར། །རྣམ་འབྱེད་ཧ་ཅང་བསྡུས་པ་དང་། །རྒྱས་པ་མ་ཡིན་བརྗོད་པར་བྱ། །
25b2 འདུལ་བ་དེ་ནི་ང་ལས་ཉོན། །བསྐལ་པ་བྱེ་བ་རྣམས་སུ་ཡང་། །འདུལ་བ་ཐོས་པར་འགྱུར་བ་དང་། །གཟུང་དང་འཛིན་པ་རྙེད་དཀའ་སྟེ། །སྒྲུབ་པའང་ཤིན་དུ་རྙེད་པར་དཀའ། །སངས་རྒྱས་རྣམས་ནི་འབྱུང་བ་བདེ། །ཆོས་བསྟན་པ་ཡང
25b3 བདེ་བ་ཡིན། །དགེ་འདུན་འཐུན་པ་བདེ་བ་སྟེ། །འཐུན་པ་རྣམས་ཀྱི་དཀའ་ཐུབ་བདེ། །ཆོས་ཐོས་པ་དང་མཐོང་བ་ཡི། །དབེན་པར་དགའ་བ་བདེ་བ་ཡིན། །འཇིག་རྟེན་སྲོག་ཆགས་འབྱུང་པོ་ལ། །མི་འཚེ་ཡང་དག་སྡོམ་པ་བདེ། །འཇིག
25b4 རྟེན་འདོད་ཆགས་བྲལ་བ་དང་། །འདོད་པ་རྣམས་ལས་རྒྱལ་བ་བདེ། །ང་འོ་ང་རྒྱལ་འདུལ་བ་གང་། །དེ་ནི་མཆོག་ཏུ་བདེ་བ་ཡིན། །ཚུལ་ཁྲིམས་ལྡན་པ་མཐོང་བ་བདེ། །མང་དུ་ཐོས་པ་མཐོང་བ་བདེ། །ཡང་སྲིད་རྣམ་པར་གྲོལ་བ་ཡི། །དགྲ
25b5 བཅོམ་པ་དག་མཐོང་བ་བདེ། །འཕགས་པ་རྣམས་ནི་མཐོང་བ་བདེ། །དམ་པ་རྣམས་དང་འགྲོགས་པ་བདེ། །བྱིས་པ་རྣམས་ནི་མ་མཐོང་ན། །རྟག་ཏུ་བདེ་བ་ཉིད་དུ་འགྱུར། །འཇུག་ངོགས་བདེ་བའི་ཆུ་ཀླུང་བདེ། །ཆོས་ལ་གོམས
25b6 པའི་སྐྱེ་བོ་བདེ། །ཤེས་རབ་ཐོབ་པར་གྱུར་པ་བདེ། །ངའོ་ང་རྒྱལ་ཟད་པ་བདེ། །འཇིག་རྟེན་དགེ་སྦྱོང་འཛིན་པ་བདེ། །དེ་བཞིན་བྲམ་ཟེ་འཛིན་པ་བདེ། །འཇིག་རྟེན་ན་ནི་ཕར་འཛིན་བདེ། །དེ་བཞིན་མར་འཛིན་ཉིད་ཀྱང་བདེ། །ངེས་པར་བྱས
25b7 ཤིང་དབང་པོ་ཐུལ་བ་དག་། དགོན་པ་ཞི་བ་རྣམས་སུ་རྒས་གྱུར་དང་། །མང་དུ་ཐོས་པ་ནགས་ཀྱི་ནང་དག་ཏུ། །ལང་ཚོ་ཡོལ་བ་རྣམས་ཀྱི་གནས་པ་བདེ། །བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་ན། གྲོང་ཁྱེར་ཤིང་ནྱ་གྲོ་དྷ
iiif viewer powered by OpenSeadragon
