| e-texts navigator |
| Wylie |
259a1 སྦོམ་དགའ་མོས་ཁྱིམ་བདག་གི་ཆུང་མ་ལ་འདི་སྐད་ཅེས་སྨྲས་སོ། །ཅི་ཁྱོད་ཀྱང་ཁབ་བཞིན་དུ་ལས་སྣ་གཅིག་པ་ཞིག་ཡིན་ནམ། དེས་འདི་སྐད་ཅེས་སྨྲས་སོ། །འཕགས་མ་དེ་ལ་མཁྱེན་པ་མངའ་འམ། སྦོམ་དགའ་མོས་འདི་སྐད
259a2 ཅེས་སྨྲས་སོ། །ཁོ་མོས་བཟོའི་གནས་དང་། ལས་ཀྱི་གནས་གང་ལ་མཁས་པར་མ་བྱས་པ་གང་ཞིག་ཡོད། དེ་ནས་ཁྱིམ་བདག་གི་ཆུང་མ་དེས་སྦོམ་དགའ་མོ་ལ་འདི་སྐད་ཅེས་སྨྲས་སོ། །འཕགས་མ་ད་ནི་ཁྱོད་ལ་བདག་གསོལ་བ་འདེབས
259a3 ཀྱིས་བཅའ་བ་སྒྲོལ་ལ་བདག་ལ་སྩོལ་ཅིག་། དེས་འདི་སྐད་ཅེས་སྨྲས་སོ། །ཁོ་མོ་ལ་སུ་བསོད་སྙོམས་སྟེར་བར་འགྱུར། ཁྱིམ་བདག་གི་ཆུང་མས་འདི་སྐད་ཅེས་སླད་ཀྱིས་བདག་གིས་ཕྱི་བཞིན་འབྲང་བའི་དགེ་སྦྱོང་མ་ལ་བདག་གིས
259a4 སློབ་དཔོན་ལ། བདག་གིས་མཁན་མོ་ལ། བདག་གིས་ཁང་སྐྱོང་མའི་བར་ལ་སླད་ཀྱིས་དབུལ་ལོ་ཞེས་སྨྲས་པ་དང་། དེས་ལྷུང་བཟེད་དང་། ཆོས་གོས་མཐའ་གཅིག་ཏུ་བཞག་།གོས་གཞན་དག་བརྫེས་ཏེ་ཞེས་བྱ་བ་ནས་དེས་དོག་ལེ
259a5 བཀྲུས་བཤལ་བ་བསྲེགས་ཏེ། མར་ཁུས་བཀང་ནས་ཇི་ཙམ་ན་རིམ་བཞིན་དུ་ཀུན་ཏུ་གཡོས་པ་དང་། ལེགས་པར་གཡོས་པ་དང་། འབྲས་བུ་ལས་གཡོས་པ་དང་། ལ་ཐུ་དང་། ཁོང་ཚངས་ཅན་དང་། ཅེ་ཀུན་དང་། རིམ་བརྒྱ་པ་དང་། སྲིན་བུའི
259a6 དབྱིབས་ལྟ་བུ་སྟེ། དེ་ལྟ་བུ་དག་བཙོས་ཏེ་དེས་གྲོང་རྡལ་དེའི་ཕྱེད་དྲི་ཡིས་ཁྱབ་པར་བྱས་སོ། །ཇི་ཙམ་ན་དེས་གྲོང་རྡལ་གྱི་ཕྱེད་ན་འདུག་པ་དག་འོངས་ནས་དྲིས་པ། ཅི་ཁྱོད་ཀྱི་ཁྱིམ་དུ་གཡོས་མཁན་འོངས་སམ། དེས་འདི་སྐད་ཅེས་སྨྲས་སོ། །
259a7 མ་འོངས་ཏེ། དེ་ལྟ་མོད་ཀྱི་འཕགས་མ་སྦོམ་དགའ་མོ་འཚེད་དོ། །དེ་དག་ཀྱང་འོངས་ནས་གསོལ་བ་བཏབ་པ་དང་། དེས་འདི་སྐད་ཅེས་སྨྲས་སོ། །ཁོ་མོ་ལ་སུ་བསོད་སྙོམས་སྟེར་བར་འགྱུར། དེ་དག་གིས་འདི་སྐད་ཅེས། བདག་ཅག་གིས་ཁང
259a8 སྐྱོང་གི་བར་ལ་དབུལ་ལོ་ཞེས་སྨྲས་པ་དང་། དེ་བཞིན་དུ་སྦོམ་དགའ་མོས་གྲོང་ཁྱེར་ཕྱེད་ཀྱི་བཅའ་བ་ཐམས་ཅད་བཙོས་ཏེ། དེ་ནས་བཙོས་ནས་བསོད་སྙོམས་ཀྱིས་ཁུར་བསླང་ནས་དབྱར་ཁང་དུ་སོང་ངོ་། །དེའི་འོག་ཏུ་གཡོས་མཁན་འོངས་ཏེ་འོངས
iiif viewer powered by OpenSeadragon
