| e-texts navigator |
| Wylie |
256b1 མོས་དགེ་སློང་མ་དེ་རྣམས་ལ་དྲིས་པ། ཕུ་ནུ་མོ་དག་ཁྱོད་ཀྱིས་ཚོད་སྔོན་གང་ནས་བླངས་ཞེས་བྱ་བ་ནས་སྦོམ་དགའ་མོ་ཡང་སྒོག་སྐྱའི་ལྡུམ་རར་སོང་ནས། དེས་ཚོད་སྔོན་དང་སྒོག་སྐྱ་ལྷན་ཅིག་བཏོན་ཏོ། །དེ་ནས་སྒོག་སྐྱའི་བདག་པོ་དེས་འཕྲིགས་ནས
256b2 ཀྱང་སྒོག་སྐྱའི་ལྡུམ་ར་གཞན་ཞིག་གི་ལག་ཏུ་བཙོངས་ཏེ་བཙོངས་ནས་དགེ་སློང་མ་རྣམས་ལ་སྨྲས་པ། ཀྱེ་འཕགས་མ་དག་བདག་གིས་གཞན་ཞིག་གི་སུག་པར་བཙོངས་ལགས་ཀྱིས་དེ་ལས་ཚོད་སྔོན་སློངས་ཤིག་ཅེས་བྱ་བ་ནས། དེས་ཀྱང་སྲུངས
256b3 མའི་ཁྱེའུ་ཞིག་བཞག་སྟེ། ཅི་བདེར་བྱེད་དུ་བཅུག་ནས་དགེ་སློང་མ་དེ་དག་ཚོད་སྔོན་རྔ་བ་ན། སྦོམ་དགའ་མོ་སྒོག་སྐྱ་འབའ་ཤིག་འབྱིན་པར་བྱེད་དོ། །དེ་ནས་ཁྱེའུ་ཡིས་སྦོམ་དགའ་མོ་ལ་སྒོག་སྐྱ་འབྱིན་པ་བཟློག་པ་དང་། དེ་ནས་སྦོམ་དགའ་མོས་ཁྱེའུ
256b4 དེ་བརྡེགས་སོ། །དེ་ནས་ཁྱེའུ་དེས་ཕ་ལ་སྨྲས་པ་དང་། དེའི་ཕྱིར་དེ་ཉིན་པར་སྒོག་སྐྱའི་ནང་ཞིག་ཏུ་གབ་ནས་བསྡད་དོ། །དེ་ནས་སྦོམ་དགའ་མོ་ཡང་འོངས་ནས་སྒོག་སྐྱ་འབྱིན་པ་ལས་ཁྱེའུ་དེས་བཟློག་པ་དང་ཞེས་བྱ་བ་ནས་ཁྱིམ་བདག་དེས་ཀྱང་སྦོམ
256b5 དགའ་མོ་བརྡེགས་སོ་ཞེས་བྱ་བའི་བར་རོ། །དེ་ཡང་མིག་ཕུབས་སྐྲངས་ཤིང་དབྱར་ཁང་དུ་འོངས་པ་དང་། དགེ་སློང་མ་རྣམས་ཀྱིས་དྲིས་པ་ལས་དེས་སྐབས་དེ་རྒྱས་པར་སྨྲས་པ་ན། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས
256b6 ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་སྒོག་སྐྱ་ཟ་ན་ལྟུང་བྱེད་དོ། །ཡང་གང་ཞེས་བྱ་བ་ནི་སྦོམ་དགའ་མོའོ། །སྒོག་སྐྱ་ཞེས་བྱ་བ་ནི་བྱི་སྐུའོ། །ཟ་ན་ཞེས་བྱ
256b7 བ་ནི་ལྐོག་མར་མིད་ནའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་སྒོག་སྐྱ་ཟ་ན་ཐམས་ཅད་དུ་ལྟུང་བྱེད་དུ་འགྱུར་རོ་ཞེས་དེ་ལྟར་བསླབ་པའི་གཞི་བཅའ་བ་མཛད་པ་དང་། དགེ་སློང
256b8 མ་ནད་པ་ཞིག་ཡོད་པ་དེས་སྨན་པ་ལ་དྲིས་པ་དང་། སྨན་པས་སྒོག་སྐྱ་བསྟན་ཏོ། །དེས་འདི་སྐད་ཅེས་སྨྲས་སོ། །བཞིན་བཟངས་སྨན་པ་ཁོ་མོ་ད་ནི་ཤི་ཟིན་ནོ། །སྨན་པས་སྨྲས་པ། ཅི་ཉེས། དེས་འདི་སྐད་ཅེས་སྨྲས་སོ། །བཅོམ་ལྡན་འདས
iiif viewer powered by OpenSeadragon
