| e-texts navigator |
| Wylie |
253a1 སྡེ་དག་གོ། །ཟླ་བ་ཕྱེད་ཕྱེད་ཅིང་ཞེས་བྱ་བ་ནི་ཟླ་བ་ཕྱེད་ཕྱེད་ཅིང་ངོ་། །སོ་སོར་ཐར་པའི་མདོ་གདོན་པ་འདོན་པའི་ཚེ་ཞེས་བྱ་བ་ནི་ཕས་ཕམ་པར་འགྱུར་བ་བརྒྱད་ཅེས་བྱ་བ་ནས། རྩོད་པ་ཞི་བར་བྱ་བའི་ཆོས་བདུན་ཞེས་བྱ་བའི་བར་རོ། །སྔ་མ་བཞིན་དུ
253a2 བརྗོད་པར་བྱའོ་ཞེས་བྱ་བ་ནི་རིམ་པ་བཞིན་དུ་བརྗོད་པར་བྱའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པའི་ཚེ་འདི་སྐད་ཅེས་ཆོས
253a3 འདི་ཡང་མདོར་གཏོགས་པར་ཞེས་ཟེར་ན་ལྟུང་བྱེད་དོ། །མདོར་འདུས་པར་ཞེས་ཟེར་ན་ལྟུང་བྱེད་དོ། །གཞི་ན་མ་འདུག་པ་དང་། ཚོགས་ལས་གར་བ་ལ་ནི་ལྟུང་བ་མེད་དོ། །ལྟུང་བྱེད་བདུན་པའི་གསུམ་པ་རྫོགས་སྷོ།། །། གླེང་གཞི་ནི་མཉན
253a4 ཡོད་ནའོ། །དེའི་ཚེ་མཉན་ཡོད་ན་གཅེར་བུ་པའི་ཉན་ཐོས་ཆོས་ཤེས་བྱ་བ་བ་སོ་མཁན་ཞིག་གནས་པ་དེ་བསོད་སྙོམས་པ་ཞིག་གིས་སངས་རྒྱས་ཀྱི་བསྟན་པ་ལ་མངོན་པར་དད་པར་བྱས་ནས་དེ་གཉི་གའི་དགེ་འདུན་ལ་ཁབ་རལ་དག་དབུལ་དུ་བཅུག་གོ། །
253a5 དེ་ནས་བཅུ་གཉིས་སྡེ་རྣམས་ཀྱིས་བ་སོ་དང་། རུས་པ་དང་། རྭ་ལས་བྱས་པའི་ཁབ་རལ་དབྱིབས་སྣ་ཚོགས་དག་བྱེད་དུ་བཅུག་གོ། །དེ་རང་གི་ཟན་ཟོས་ཤིང་གཞན་གྱི་ལས་བྱས་པས་དེ་རིང་པོ་མ་ལོན་པར་དབུལ་པོར་གྱུར་ཏོ། །དེ་ནས་མུ་སྟེགས་པ
253a6 རྣམས་ཀྱིས་ལག་བཟོ་ཆོས་མཐོང་ནས་འདི་སྐད་ཅེས། ལག་གཟོ་ཆོས་གང་གི་ཚེ་ཁོ་བོ་ཅག་ལ་མངོན་པར་དད་པར་གྱུར་པ་དེའི་ཚེ་འབྱོར་པར་གྱུར་ལ། གང་གི་ཚེ་ཤཱཀྱའི་སྲས་ཀྱི་དགེ་སྦྱོང་མ་རྣམས་ལ་མངོན་པར་དད་པར་གྱུར་པ་དེའི་ཚེ་བཀྲེན་པར་གྱུར་ཏོ
253a7 ཞེས་སྨྲས་པ་དགེ་སློང་མ་རྣམས་ཀྱིས་ཐོས་སོ། །ཐོས་ནས་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་བ་སོ་འམ། རུས་པ་འམ།
253a8 རྭའི་ཁབ་རལ་ལས་སར་པ་བྱེད་དུ་འཇུག་ན་བཅག་ནས་ལྟུང་བྱེད་དོ། །ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ། །བ་སོ་འམ་ཞེས་བྱ་བ་ནི་བ་སོ་ཉིད་དོ། །རུས་པ་འམ་ཞེས་བྱ་བ་ནི་རུས་པ་ཉིད་དོ། །རྭ་ལས་བྱས་པ་ཞེས་བྱ་བ་ནི་རྭ
iiif viewer powered by OpenSeadragon
