| e-texts navigator |
| Wylie |
252b1 སྐྱ་རེང་ཤར་བ་ལ་སྐྱ་རེང་མ་ཤར་བར་འདུ་ཤེས་ན་ཉེས་བྱས་སོ། །དེ་བཞིན་དུ་ཡིད་གཉིས་ཟ་ན་ཉེས་བྱས་སོ། །གལ་ཏེ་རྒྱལ་པོ་དང་། བཙུན་མོ་དང་། བློན་པོའི་བར་ཆད་དུ་འགྱུར་བ་ཞིག་ཡིན་ན་ལྟུང་བ་མེད་དོ། །ལྟུང་བྱེད་བདུན་པའི་གཉིས་པ
252b2 རྫོགས་སྷོ། ། །། གླེང་གཞི་ནི་མཉན་ཡོད་ནའོ། །དེ་ནས་སོ་སོར་ཐར་པའི་མདོ་གདོན་པ་འདོན་པའི་ཚེ་བཅུ་གཉིས་སྡེ་རྣམས་ཀྱིས་འདི་སྐད་ཅེས་ཀྱེ་འཕགས་མ་དག་ཁོ་མོ་ཅག་གིས་འདི་ལྟར་ཆོས་འདི་ཡང་མདོར་གཏོགས་ཤིང་མདོར་འདུས
252b3 པར་ད་གདོད་ཤེས་སོ་ཞེས་ཟེར་བ་ན་དེ་ལ་དགེ་སློང་མ་རྣམས་ཀྱིས་སྔོན་དགེ་སློང་མ་དེ་གསོ་སྦྱོང་གི་ལས་གཉིས་སམ། གསུམ་གྱི་ཚེ་འདུག་པར་ཤེས་ན་ལན་མང་དུ་ལྟ་ཅི་སྨོས་ན་དེ་ལ་དགེ་སློང་མ་རྣམས་ཀྱིས་ཕུ་ནུ་མོ་དེ་སྐད་མ་སྨྲ་ཞིག
252b4 ཅེས་བསྒོ་བ་དང་། དེ་དག་ལ་འདི་སྐད་ཅེས་ཁོ་མོ་ཅག་ཇི་སྐད་སྨྲ་བ་དེ་ནི་དེ་བཞིན་ནོ་ཞེས་སྨྲས་པ་ན་དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ
252b5 ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས། བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་གདོན་པ་འདོན་པ་ན་འདི་སྐད་ཅེས་ཀྱེ་འཕགས་མ་དག་ཁོ་མོ་ཅག་གིས་འདི་ལྟར་ཆོས་འདི་ཡང
252b6 མདོར་གཏོགས་ཤིག་མདོར་འདུས་པར་ད་གདོད་ཤེས་སོ་ཞེས་ཟེར་བ་ན། གལ་ཏེ་དགེ་སློང་མ་རྣམས་ཀྱིས་སྔོན་གསོ་སྦྱོང་གི་ལས་གཉིས་སམ་གསུམ་གྱི་ཚེ་འདུག་པར་ཤེས་ན་ལན་མང་དུ་ལྟ་ཅི་སྨོས་ན། དེ་ལ་འཕགས་མ་མི་ཤེས་པས་མི་འགྲོལ་བས
252b7 དེ་ལྟུང་བ་གང་བྱུང་བ་དེ་ཆོས་བཞིན་དུ་བྱེད་དུ་གཞུག་པའི་སྟེང་དུ་འཕགས་མ་ཁྱོད་ཀྱིས་མ་རྙེད་དེ། རྙེད་པ་མ་ཡིན་ཞིང་ཉེས་པ་རྙེད་པ་ཡིན་ཏེ། ཁྱོད་ཀྱིས་གང་གི་ཕྱིར་སོ་སོར་ཐར་པའི་མདོ་གདོན་པ་འདོན་པའི་ཚེ་གུས་པར་བྱས་ཏེ་ཆོས་ཉན་པར་མི་བྱེད།
252b8 བླ་མར་བྱས་ཏེ་མི་བྱེད། ཡིད་ལ་བྱས་ཏེ་མི་བྱེད། རྩེ་གཅིག་ཏུ་རྣ་བླགས་ཏེ་ཉན་པར་མི་བྱེད། སེམས་ཐམས་ཅད་ཀྱིས་བསམས་ཏེ་ཆོས་ཉན་པར་མི་བྱེད་དོ་ཞེས་སྤྱོ་བར་བྱའོ། །དེའི་སྤྱོ་བར་བྱ་བ་ནི་འདི་ཡིན་ཏེ་ལྟུང་བྱེད་དོ། །ཡང་གང་ཞེས་བྱ་བ་ནི་བཅུ་གཉིས
iiif viewer powered by OpenSeadragon
