| e-texts navigator |
| Wylie |
252a1 ལྡན་འདས་ཀྱིས་བཀའ་སྩལ་པ། གཽ་ཏ་མི་དྲུག་པོ་དག་གི་ཚིག་ནི་གཅག་ཏུ་མི་རུང་སྟེ། དྲུག་པོ་གང་གི་ཞེ་ན། སློབ་དཔོན་དང་། མཁན་པོ་དང་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བ་དང་། དགེ་འདུན་དང་། དགེ་འདུན་གྱི་གནས་བརྟན་དང་།
252a2 དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིའོ་ཞེས་བཅོམ་ལྡན་འདས་ཀྱིས་དེ་ལ་ཡང་བཀས་བསྒོ་ནས་རྒྱལ་པོའི་ཕོ་བྲང་དུ་ཞུགས་སོ། །གང་གི་ཚེ་སྐྱེ་དགུའི་བདག་མོ་ཆེན་མོ་རྒྱལ་པོའི་ཕོ་བྲང་དུ་ཞུགས་པ་དེའི་ཚེ་བཅུ
252a3 གཉིས་སྡེ་རྣམས་གལ་ཏེ་བདག་ཅག་དོང་བར་གྱུར་ན་དེ་རིང་ཉིད་དུ་དགེ་སྦྱོང་གི་ཚུལ་མ་ཡིན་པ་དང་རུང་བ་མ་ཡིན་པའི་ཁུར་ཁྱེར་བར་འགྱུར་བ་ཞིག་ཅེས་ཁ་ཟེར་བར་བྱེད་དོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ
252a4 བའི་བར་དུ་མཛད་དེ། ཡང་དགེ་སློང་མ་གང་ནམ་མ་ནངས་སྐྱ་རེང་མ་ཤར་བར་རིན་པོ་ཆེ་དག་གམ། རིན་པོ་ཆེར་སྨོས་པ་དག་མ་བརྟུལ་བར་རྒྱལ་པོ་རྒྱལ་རིགས་སྤྱི་བོ་ནས་དབང་བསྐུར་བའི་སྒོ་གཏན་ནམ། སྒོ་གཏན་གྱི་ཉེན་ཀོར་ལས་འདའ་ཞིང་འདུག་ན་དེ
252a5 འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ་ཡང་གང་ཞེས་བྱ་བ་ནི་བཅུ་གཉིས་སྡེ་དག་གོ། །རྒྱལ་པོ་རྒྱལ་རིགས་སྤྱི་བོས་ནས་དབང་བསྐུར་བ་ཞེས་བྱ་བ་ནི་བུད་མེད་དམ། སྐྱེས་པ་འམ། མ་ནིང་རྒྱལ་པོར་དབང་བསྐུར་ན་དེ་ནི་རྒྱལ་པོ་ཡང་ཡིན། རྒྱལ
252a6 རིགས་ཀྱང་ཡིན། དེ་ནི་སྤྱི་བོ་ནས་དབང་བསྐུར་བ་ཡང་ཡིན་ནོ། །ནམ་མ་ནངས་པ་ཞེས་བྱ་བ་ནི་ནམ་ནངས་པར་མ་གྱུར་བའོ། །སྐྱ་རེང་མ་ཤར་བར་ཞེས་བྱ་བ་ནི་སྐྱ་རེང་གསུམ་པོ་ཞེས་བྱ་བ་སྔ་མ་བཞིན་ནོ། །རིན་པོ་ཆེ་དག་གམ་རིན་པོ་ཆེར་སྨོས་པ་མ་བརྟུལ་པར
252a7 ཞེས་བྱ་བ་ནི་མ་བསྡུས་པར་རོ། །སྒོ་གཏན་ཞེས་བྱ་བ་ལ་སྒོ་གཏན་ནི་གསུམ་སྟེ། གསུམ་གང་ཞེ་ན། གྲོང་ཁྱེར་གྱི་སྒོ་གཏན་དང་། རྒྱལ་པོའི་ཕོ་བྲང་གི་སྒོ་གཏན་དང་། བཙུན་མོའི་གཉེན་རིས་ཀྱི་སྒོ་གཏན་ནོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །
252a8 དེ་ལ་ལྟུང་བར་ཇི་ལྟར་འགྱུར་ཞེ་ན། ཡང་དགེ་སློང་མ་གང་ཞིག་སྐྱ་རེང་མ་ཤར་བ་ལ་སྐྱ་རེང་མ་ཤར་བའི་འདུ་ཤེས་ཀྱིས་སྒོ་གཏན་ལས་འདའ་བར་བྱེད་ན་ལྟུང་བྱེད་དོ། །དེ་བཞིན་དུ་ཡིད་གཉིས་ཟ་ན་ལྟུང་བྱེད་དོ། །ཡང་དགེ་སློང་མ་གང་ཞིག
iiif viewer powered by OpenSeadragon
