| e-texts navigator |
| Wylie |
251b1 དུས་སོ། །ཕྱི་མ་ཞེས་བྱ་བ་ནི་ཕྱི་དྲོའི་དུས་སོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ་ཅུང་ཟད་དགེ་སློང་མ་ཟས་དང་བཅས་པའི་ཁྱིམ་དུ་མགྲོན་དུ་བོས་ནས་སྔ་མ་ལ་ཁྱིམ་གཉིས
251b2 སུ་སོང་ལ་ཆེད་དུ་བསམས་ཏེ་ཁྱིམ་གསུམ་པར་འགྲོ་ན་ལྟུང་བྱེད་དོ། །ཟས་ཕྱི་མ་ལ་ཁྱིམ་གསུམ་དུ་སོང་ལ་ཆེད་དུ་བསམས་ཏེ་ཁྱིམ་བཞི་པར་འགྲོ་ན་ལྟུང་བྱེད་དོ། །ཁྱིམ་བདག་གི་མི་ལ་གོ་བར་བྱས་ན་ལྟུང་བ་མེད་དོ། །ལྟུང་བྱེད་བདུན
251b3 པའི་དང་པོ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་དྲུག་སྡེ་རྣམས་ལ་བརྟེན་ཏེ་སྒོ་གཏན་གྱི་བསླབ་པའི་གཞི་བཅའ་བ་མཛད་པ་དེའི
251b4 ཚེ་བཅུ་གཉིས་སྡེ་དེ་དག་གིས་དགེ་སློང་གི་བསླབ་པའི་གཞི་ཡིན་ནོ་ཞེས་བྱ་བ་ནས་བསླབ་པའི་གཞི་དེ་ལ་རྗེས་སུ་སྒྲུབ་པར་མི་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ
251b5 སྩལ་པ། དེ་ལྟ་བས་ན་དགེ་སློང་མ་རྣམས་ཀྱིས་ཀྱང་ནམ་མ་ནངས་ཤིང་སྐྱ་རེང་མ་ཤར་གྱི་བར་དུའོ། །གང་གི་ཚེ་རྒྱལ་པོ་འཆར་ཀས་དཔལ་ལྡན་མའི་ཕྱིར་ཁྱིམ་བདག་གདངས་ཅན་ལ་ཁྱོད་ཀྱི་བུ་མོ་དགེ་སློང་རྣམས་ལྟ་བར
251b6 འདོད་དོ་ཞེས་རྒྱལ་པོས་བསྒོ་བ་དེའི་ཚེ་ཁྱིམ་བདག་གདངས་ཅན་གྱིས་དགེ་སློང་ཤཱ་རིའི་བུ་ལ་དཔལ་ལྡན་མ་གདུལ་བའི་ཆེད་དུ་གསོལ་བ་བཏབ་ནས་རྒྱལ་པོའི་ཕོ་བྲང་དུ་བཏང་བ་དང་། བཅོམ་ལྡན་འདས་ཀྱིས་ཀྱང་གནང་ངོ་། །
251b7 དེས་དུས་གཞན་ཞིག་ན་གདངས་ཅན་གྱི་བུ་མོ་ཡང་དགེ་སློང་མ་རྣམས་ལྟ་བར་འདོད་པ་དེའི་ཚེ་ཁྱིམ་བདག་གདངས་ཅན་གྱིས་སྐྱེ་དགུའི་བདག་མོ་ཆེན་མོ་ལ་གསོལ་བ་བཏབ་པ་དང་། དེས་རྒྱལ་པོའི་ཕོ་བྲང་དུ་འཇུག་པ་ནི
251b8 ཉེས་དམིགས་བཅུ་ཡོད་དོ་ཞེས་བྱ་བ་ནས་མ་བཏུབ་པ་དང་། དེའི་འོག་ཏུ་རྒྱལ་པོ་འཆར་ཀས་གསོལ་བ་བཏབ་བོ། །དེ་ནས་སྐྱེ་དགུའི་བདག་མོ་ཆེན་མོས་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ
iiif viewer powered by OpenSeadragon
