| e-texts navigator |
| Wylie |
251a1 ལྷུང་བཟེད་བླངས་ཏེ་ཕྱི་བཞིན་འབྲང་བའི་དགེ་སློང་མ་ཞིག་དང་ལྷན་ཅིག་སྦྱིན་བདག་གཅིག་གི་ཁྱིམ་དུ་སོང་ནས་དེས་རྗེས་སུ་འཐུན་པའི་ཆོས་བསྟན་པས་མངོན་པར་དད་པར་བྱས་ནས་དེས་དགེ་སློང་མའི་དགེ་འདུན་གྱི་ཆེད་དུ་ཟས་དག་སྦྱོར་དུ་བཅུག
251a2 གོ། །དེ་ནས་ཕྱི་དེ་ཉིན་པར་དགེ་སློང་མའི་དགེ་འདུན་སྔ་དྲོ་ཤམ་ཐབས་བགོས་ལྷུང་བཟེད་དང་ཆོས་གོས་བླངས་ཏེ་ཁྱིམ་བདག་དེའི་བཀད་ས་གང་ན་བ་དེར་སོང་ནས་ཞེས་བྱ་བ་ནས། སྟན་བཤམས་པ་ཁོ་ན་ལ་འདུག་གོ་ཞེས་བྱ་བའི་བར་རོ། །དགེ་སློང་མ
251a3 དགའ་མོ་ནི་བྱ་བ་མང་ཞིང་བསྒྲུབ་པ་མང་བས་གཎ་ཌཱིའི་དུས་ལས་ཡོལ་བར་གྱུར་ཏོ། །དགེ་སློང་མ་དེ་རྣམས་ཀྱིས་ཁྱིམ་བདག་དེ་ལ་འདི་སྐད་ཅེས་སྨྲས་སོ། །ཁྱིམ་བདག་ཁྱོད་དགེ་སློང་མའི་དགེ་འདུན་གྱི་དུས་ལ་བབ་ཀྱིས་རིམས་ཤིག་།དེས་འདི་སྐད
251a4 ཅེས་སྨྲས་སོ། །འཕགས་མ་དག་བདག་ནི་མ་འཚལ་མོད་ཀྱི་ཟས་ལ་སྐོ་བར་བགྱིད་པ་དགའ་མོ་མཁྱེན་ཏོ་ཞེས་བྱ་བ་ནས། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས
251a5 བཀའ་སྩལ་པ། དགེ་སློང་མ་དག་ཟས་སྔ་མ་དང་ཟས་ཕྱི་མ་ལ་ཁྱིམ་དག་ཏུ་རྒྱུ་བར་མི་བྱའོ། །དེ་ནས་ཞལ་ཏ་བྱེད་པ་དག་གམ་ཟས་བསྒྲུབ་པ་དེ་དག་གི་དགེ་འདུན་གྱི་བྱ་བ་དང་དགེ་འདུན་གྱི་བསྒྲུབ་པ་དེ་དག་ཉམས་པར་གྱུར་པ་ནས། བཅོམ
251a6 ལྡན་འདས་ཀྱིས་བཀའ་སྩལ་པ། ཟས་སྔ་མ་ལ་ཁྱིམ་གཉིས་གཉིས་སུ་ཟས་ཕྱི་མ་ལ་ཁྱིམ་གསུམ་དུའོ། །དེ་ནས་བཅོམ་ལྡན་འདས་ཀྱིས་དགེ་སློང་མ་རྣམས་ལ་བསླབ་པར་འདོད་པ་དང་ཞེས་བྱ་བ་ནས། བསླབ་པ་ལ་ཡོ་བྱད
251a7 བསྙུངས་པའི་བསྔགས་པ་གསུངས་ནས་འདི་སྐད་ཅེས་བཀའ་སྩལ་ཏོ། །ཡང་དགེ་སློང་མ་གང་ཟས་དང་བཅས་པའི་ཁྱིམ་དུ་མགྲོན་དུ་བོས་ལ་ཟས་སྔ་མ་དང་ཟས་ཕྱི་མ་ལ་ཁྱིམ་དག་ཏུ་ཁྱིམ་བདག་འཁོད་པ་ལ་གོ་བར་མ་བྱས
251a8 པར་འགྲོ་ན་ལྟུང་བྱེད་དོ། །ཡང་གང་ཞེས་བྱ་བ་ནི་དགའ་མོའོ་ཟས་དང་བཅས་པ་ཞེས་བྱ་བ་ནི་སྟོན་མོ་ཅན་གྱི་ཁྱིམ་དུ་འོ། །ཁྱིམ་དག་ཏུ་ཞེས་བྱ་བ་ནི་ཁྱིམ་བདག་གི་ཁྱིམ་དག་ཏུ་མགྲོན་དུ་བོས་པའོ། །ཟས་སྔ་མ་ཞེས་བྱ་བ་ནི་སྔ་དྲོའི
iiif viewer powered by OpenSeadragon
