| e-texts navigator |
| Wylie |
249b1 བྱ་བ་ནས་དོན་མ་གོ་ན་ཉེས་བྱས་སོ། །སྒྲ་མ་གོ་ལ་དོན་གོ་ན་ལྟུང་བྱེད་དོ། །ལྟུང་བྱེད་དྲུག་པའི་བདུན་པ་རྫོགས་སྷོ།། གླེང་གཞི་ནི་མཉན་ཡོད་ནའོ། །དེའི་ཚེ་སྦོམ་དགའ་མོ་འཁོར་དང་བཅས་པ་སངས་རྒྱས་ལ་མ་གུས་ཆོས་དང་དགེ་འདུན་ལ་མ་གུས་པ་དང་།
249b2 དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། གུས་པར་མི་བྱེད་ན་ལྟུང་བྱེད་དོ། །གུས་པར་མི་བྱེད་ན་ཞེས་བྱ་བ
249b3 ལ། གུས་པར་མི་བྱེད་པ་ནི་གཉིས་ཏེ། དགེ་འདུན་དང་གང་ཟག་ལའོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མ་ལ་ཁང་སྐྱོང་གིས་གནས་མལ་ལོང་ཤིག་ཅེས་བསྒོ་བ་ན་མི་ལེན་ན་ལྟུང་བྱེད་དོ། །གལ
249b4 ཏེ་ཆོས་དང་ལྡན་པའི་འདུ་ཤེས་ཀྱིས་གསོལ་བ་འདེབས་ཤིང་དེ་མ་བླངས་པ་ལ་ལྟུང་བ་མེད་དོ། །དེ་བཞིན་དུ་སོང་ཤིག་སྨྲོས་ཤིག་ཅེས་བྱ་བ་དེ་ལྟ་བུ་ལ་སོགས་པ་ཐམས་ཅད་ལ་ལྟུང་བྱེད་དུ་འགྱུར་ཏེ། འདི་ནི་དགེ་འདུན་ལ་ཡིན་ནོ། །གང་ཟག་གི་ནི
249b5 མཁན་མོ་དང་སློབ་དཔོན་གྱིས་གནས་མལ་ལོང་ཤིག་ཅེས་བསྒོ་བ་ན་མི་ལེན་ན་ཉེས་བྱས་སོ། །མ་སོང་ན་ཉེས་བྱས་སོ། །སྨྲས་ན་ཉེས་བྱས་སོ། །མ་སྨྲས་ན་ཉེས་བྱས་ཏེ་དེ་བཞིན་དུ་ཐམས་ཅད་ལ་ཉེས་བྱས་སོ། །གལ་ཏེ་ཆོས་དང་ལྡན་པའི་འདུ་ཤེས་ཀྱིས་གསོལ
249b6 བ་འདེབས་པ་ལ་ནི་ལྟུང་བ་མེད་དོ། །ལྟུང་བྱེད་དྲུག་པའི་བརྒྱད་པ་རྫོགས་སྷོ།། །། གླེང་གཞི་ནི་མཉན་ཡོད་ནའོ། །གང་གི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་ལེགས་འོངས་ལ་བརྟེན་ཏེ་བག་མེད་པའི་གནས་མྱོས་པར་འགྱུར་བ་འབྲུའི
249b7 ཆང་དང་བཅོས་པའི་ཆང་གི་བསླབ་པའི་གཞི་བཅའ་བ་མཛད་པ་དེའི་ཚེ་དགེ་སློང་མའི་དགེ་འདུན་དག་འདི་སྙམ་དུ་སེམས་ཏེ། བདག་ཅག་གིས་བསླབ་པའི་གཞི་འདི་ཇི་ལྟར་གདོན་པར་བྱ་སྙམ་དུ་བསམས་ནས་དགེ་སློང་མའི་དགེ་འདུན་བཅོམ
249b8 ལྡན་འདས་གང་ན་བ་དེར་དོང་སྟེ་ལྷགས་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་ཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་བཅོམ་ལྡན་འདས་ལ་དགེ་སློང་མ་རབ་ཏུ་མང་པོས་འདི་སྐད་ཅེས་གསོལ་ཏོ། །
iiif viewer powered by OpenSeadragon
