| e-texts navigator |
| Wylie |
246a1 སློང་མའི་དངོས་པོར་བསྙེན་པར་རྫོགས་པར་བྱེད་པ་ན་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་མ་དག་དགེ་སློང་མ་དེ་དང་པོ་ཉིད་ནས་ལེགས་པར་བསྙེན་པར་རྫོགས་པ་ཡིན་ཞིང་འགྲོགས་པ་དང་ལོངས་སྤྱད་པས་ལྟུང་བར་ཡང་མི
246a2 འགྱུར་ལ། དགེ་འདུན་ཡང་དེས་འགལ་ཚབས་ཅན་དུ་མི་འགྱུར་རོ། །དགེ་སློང་མ་དག་དེ་ལ་དགེ་སློང་མ་བཞི་པོ་གང་ཡིན་པ་དེ་དག་ནི་དང་པོ་འཁྲུགས་པ་ཡིན་ཏེ་དེ་དག་དང་པོ་ཉིད་ནས་བསྙེན་པར་མ་རྫོགས་པས་བསྙིལ་བར་འོས་པ་ཡིན་ནོ། །དགེ
246a3 སློང་མ་དེ་ལ་དགེ་སློང་མ་མི་ཤེས་ཤིང་མི་དྲན་ལ་ཡིད་གཉིས་ཟ་བ་གང་ཡིན་པ་དེ་ལ་ནི་ཤེས་པར་བྱ་དྲན་པར་བྱ། སོམ་ཉི་དང་ཡིད་གཉིས་སྤང་བར་བྱ་སྟེ། གང་གི་ཚེ་ཤེས་པར་གྱུར་ཏམ། དྲན་པར་གྱུར་ཏམ། སོམ་ཉི་དང་། ཡིད་གཉིས་སྤངས
246a4 པར་གྱུར་ལ་གལ་ཏེ་རེ་ཤིག་ཚང་ན་ཇི་ལྟར་བསྙེན་པར་རྫོགས་པ་དེ་བཞིན་དུ་བསྙེན་པར་རྫོགས་པ་ཡིན་ནོ། །གལ་ཏེ་མ་ཚང་ནས་སྤོ་བར་བྱ་བ་འམ། སླར་ཡང་བསྙེན་པར་རྫོགས་པར་བྱའོ། །ས་སྤོ་བར་མི་བྱེད་དམ། སླར་ཡང་བསྙེན་པར་རྫོགས
246a5 པར་མི་བྱེད་ལ། གལ་ཏེ་རང་བཞིན་དུ་གནས་པའི་དགེ་སློང་མ་རྣམས་དང་ལྷན་ཅིག་ལན་གཉིས་སམ་གསུམ་གསོ་སྦྱོང་གི་ལས་དག་ཉམས་སུ་མྱོང་བར་བྱེད་ན་དགེ་སློང་མ་དག་རྐུ་ཐབས་སུ་གནས་པ་ཡིན་ཏེ་དགེ་སློང་མ་དེ་བསྙིལ་བར་འོས་པ
246a6 ཡིན་ནོ། །སློང་མ་དག་དེ་ལ་དགེ་སློང་མ་ལོ་ཉི་ཤུ་མ་ལོན་པར་གྱུར་པ་ལོ་ཉི་ཤུ་ལོན་པའི་འདུ་ཤེས་ཀྱིས་བསྙེན་པར་རྫོགས་པ་དང་དེའི་གཉེན་དག་ལྷགས་ཏེ་འདི་སྐད་ཅེས་སྨྲས་སོ། །མིང་འདི་ཞེས་བྱ་བ་ཡོད་དམ་དེ་དག་གིས་འདི་སྐད་ཅེས
246a7 སྨྲས་སོ། །དེ་ནི་བསྙེན་པར་རྫོགས་སྷོ། །དེ་དག་གིས་འདི་སྐད་ཅེས་སྨྲས་སོ། །དེ་ནི་ལོ་ཉི་ཤུ་མ་ལོན་ནོ་ཞེས་དེ་སྐད་སྨྲས་པ་ན་བཅོམ་ལྡན་འདས་ཀྱིས་བཀའ་སྩལ་པ་དེའི་ཤོལ་གྱི་ཟླ་བ་དང་། མངལ་གྱི་ཟླ་བ
246a8 ཡང་བརྩི་བར་བྱའོ། །གལ་ཏེ་ཚང་ན་དེ་ལྟ་ན་ལེགས། དེ་སྟེ་མ་ཚང་ན་ས་སྤོ་བར་བྱ་བ་འམ། སླར་ཡང་བསྙེན་པར་རྫོགས་པར་བྱའོ། །ས་སྤོ་བར་མི་བྱེད་དམ། སླར་ཡང་བསྙེན་པར་རྫོགས་པར་མི་བྱེད་ན་ཞེས་བྱ་བ་ནས་བསྙིལ་བར་འོས་པ་ཡིན་ནོ་ཞེས་བྱ་བའི་བར་རོ། །དགེ་སློང་མ
iiif viewer powered by OpenSeadragon
