| e-texts navigator |
| Wylie |
242b1 གོས་དག་མ་རུང་བར་གྱུར་པ་ན། དེས་གོས་དེ་དག་འཁྲུ་ཞིང་ཁ་བསྒྱུར་མ་ནུས་ནས་དེས་ལྷན་ཅིག་གནས་པ་དང་། ཉེ་གནས་དེ་དག་ལ་གཏན་བྱིན་ནོ། །དེ་དག་གིས་ཆོས་གོས་དེ་དག་བཀྲུས་ཤིང་ཁ་བསྒྱུར་ཏེ་གཏུར་བུ
242b2 དག་གི་ནང་དུ་བཅུག་ནས་དེ་ཉིད་ཀྱི་ལག་ཏུ་བཅོལ་ཏེ་ལྗོངས་རྒྱུ་ཞིང་དོང་ངོ་། །དེ་དག་ལྗོངས་རྒྱུ་ཞིང་དོང་བ་དང་། དེས་ཕྱིར་བླང་ངོ་སྙམ་ནས་གོས་དག་སྤྱད་དོ། །དེས་དེ་དག་ཡང་སླར་དྲི་མས་གོས་པར་བྱས་ནས་གཏུར་བུ་དེ་དག
242b3 ཉིད་ཀྱི་ནང་དུ་བཅུག་གོ། །འདི་དག་ལྷགས་ནས་གོས་དེ་དག་དྲི་མ་ཅན་དུ་བྱས་པ་མཐོང་ནས་སྨོད་པར་བྱེད་པའི་སྐབས་དེ་དགེ་སློང་མ་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང
242b4 ཞེས་བྱ་བ་ནས་བསླབ་པ་བཅའ་བའི་བར་དུ་མཛད་དེ། ཡང་དགེ་སློང་མ་གང་དགེ་སློང་མ་ལ་གོས་དག་བྱིན་ནས་དེའི་འོག་ཏུ་ཕྱིར་མ་བླངས་པར་སྤྱོད་ན་ལྟུང་བྱེད་དོ། །ཡང་དགེ་སློང་མ་གང་ཞེས་བྱ་བ་ནི་སྦོམ་དགའ་མོའོ། །གོས
242b5 ཞེས་བྱ་བ་ནི་བདུན་པོ་གང་ཡང་རུང་བའི་བར་དག་གོ། །ཕྱིར་མ་བླངས་པར་ཞེས་བྱ་བ་ནི་རྡེང་མ་བཅང་བར་རོ། །ལྟུང་བྱེད་དོ་ཞེས་བྱ་བ་ནི་གོང་མ་བཞིན་ནོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་མས་ཇི་ཙམ
242b6 ཅུང་ཟད་གོས་བྱིན་ནས་དེའི་འོག་ཏུ་ཕྱིར་མ་བླངས་པར་སྤྱོད་ན་ཐམས་ཅད་དུ་ལྟུང་བྱེད་དུ་འགྱུར་རོ། །གལ་ཏེ་འགྲོགས་བཤེས་ཡིན་པ་དང་། ཐོས་ནས་དགའ་བར་འགྱུར་བ་ཡིན་ན་ལྟུང་བ་མེད་དོ། ལྟུང་བྱེད་ལྔ་པའི་བཅུ
242b7 པ་རྫོགས་སྷོ། ། །། གླེང་གཞི་ནི་མཉན་ཡོད་ནའོ། །དེའི་ཚེ་བཅུ་གཉིས་སྡེ་རྣམས་དང་། དགེ་སློང་མ་རྣམས་འཐབ་ཅིང་མཚང་འདྲུ་བར་བྱེད་དེ། ཁྲོས་ཤིང་ཞེ་སྡང་བའི་ཟིལ་གྱིས་ནོན་ནས་གཞི་མེད་པར་དགེ་སློང
242b8 མ་རྣམས་ལ་དགེ་འདུན་ལྷག་མས་གླེང་བར་བྱེད་པ་དང་། དོན་ཉུང་བའི་དགེ་སློང་མ་དག་སྨོད་པར་བྱེད་པའི་སྐབས་དེ་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་ཞེས་བྱ་བ་ནས་བསླབ་པ་བཅའ
iiif viewer powered by OpenSeadragon
